ఎన్నికల వార్తలు

Jana Sena MLAs : జనసేన నాయ‌కుడు, ప‌వ‌ర్ స్టార్ పవన్ కళ్యాణ్ 2024 లో ఆంధ్రప్రదేశ్ అసెంబ్లీకి జరిగిన ఎన్నికలలో పిఠాపురం నియోజకవర్గం నుంచి దాదాపు 70,354 ఓట్ల మెజారిటీతో విజ‌యం సాధించారు. మొత్తం 21 స్థానాల్లో జ‌న‌సేన విజ‌యం సాధించింది.   

Lok Sabha Election Results 2024: సార్వ‌త్రిక ఎన్నిక‌లు 2024 లో తెలంగాణ బీజేపీ అద్భుత ఫ‌లితాలు సాధించింది. ఏకంగా 8 స్థానాలు గెలుచుకుంది. మ‌హ‌బుబ్ న‌గ‌ర్ లోక్ స‌భ స్థానం నుంచి ఆ పార్టీ సీనియ‌ర్ నాయ‌కురాలు డీకే అరుణ గెలుపొందారు.  

ఆంధ్ర ప్రదేశ్ లోని అతిపెద్ద నియోజకవర్గాల్లో గాజువాక ఒకటి. ఈ నియోజకవర్గంలో 3 లక్షలకు పైగా ఓటర్లు వున్నారు. ప్రస్తుతం ఇక్కడ సిట్టింగ్ ఎమ్మెల్యేగా తిప్పల నాగిరెడ్డి వున్నారు. 2019 అసెంబ్లీ ఎన్నికల్లో జనసేన అధ్యక్షులు పవన్ కల్యాణ్ ఇక్కడినుండి పోటీచేసి ఓడిపోయారు... ఇలా గాజువాక ప్రజల తీర్పు రాష్ట్ర ప్రజలను ఆశ్చర్యానికి గురిచేసింది.

ఉత్తరాంధ్రలో ఈసారి వైసిపి, టిడిపి కూటమికి మధ్య  గట్టి పోటీవున్న నియోజకవర్గాల్లో భీమిలి ఒకటి. ఇక్కడ ప్రస్తుతం మాజీ మంత్రి ముత్తంశెట్టి శ్రీనివాసరావు (అవంతి శ్రీనివాస్) ఎమ్మెల్యేగా వున్నారు. గతంలో ఇక్కడినుండే మాజీ మంత్రి గంటా శ్రీనివాసరావు కూడా ప్రాతినిధ్యం వహించారు. మరోసారి వీరిద్దరే  బరిలో దిగడంతో భీమిలి పాలిటిక్స్ మరింత రసవత్తరంగా మారాయి.   

ఉత్తరాంద్ర జిల్లాలోనే కాదు యావత్ ఆంధ్ర ప్రదేశ్ రాష్ట్రంలోనే ప్రధానమైన నగరం విశాఖపట్నం. కేవలం ఉత్తరాంధ్రకు చెందినవారే కాదు రాష్ట్రంలోని వివిధ ప్రాంతాలవారు విశాఖలో నివాసముంటున్నారు. అలాగే ఇతర రాష్ట్రాలకు చెందినవారు, విద్యావంతులు అధికంగా వుండే విశాఖలో సంస్కృతులే కాదు రాజకీయాలు కూడా విభిన్నంగా వుంటాయి. ఇలా విశాఖపట్నం తూర్పు నియోజకవర్గంలోనూ ఆసక్తికర రాజకీయాలు సాగుతున్నాయి.   

వైసిపి ప్రభుత్వం ఆంధ్ర ప్రదేశ్ పరిపాలన రాజధానిగా విశాఖపట్నంను ప్రకటించిన విషయం తెలిసిందే. ఈ ప్రకటన తర్వాత రాష్ట్రవ్యాప్తంగా రాజకీయ పరిస్థితులు మారిపోయాయి... ఇలాగే విశాఖలో కూడా ఆసక్తికర పరిణామాలు చోటుచేసుకున్నాయి. దీంతో విశాఖ పశ్చిమ నియోజకవర్గంలో గెలుపుపై ఉత్కంఠ ఏర్పడింది. ఇక్కడ ఇప్పటివరకు టిడిపి విజయం సాధించగా ఈసారి రాజధాని ప్రకటన అంశం వైసిపికి కలిసివస్తుందేమో చూడాలి.   

విశాఖపట్నం దక్షిణ నియోజకవర్గ రాజకీయాలు ఉత్కంఠభరితంగా సాగుతున్నాయి. ఇక్కడ సిట్టింగ్ ఎమ్మెల్యేగా వాసుపల్లి గణేష్ కొనసాగుతున్నారు. అయితే గత రెండుసార్లుగా గణేష్ తెలుగుదేశం పార్టీ తరపున పోటీచేసి గెలిచారు... కానీ ప్రస్తుతం ఆయన వైసిపిలో కొనసాగుతున్నారు. ఇలా గతంలో టిడిపి నుండి పోటీచేసిన ఆయన ఇప్పుడు వైసిపి తరపున పోటీ చేస్తున్నారు. కాబట్టి విశాఖ ప్రజలు గతంలో మాదిరిగానే ఆయనను ఆదరిస్తారా లేక తిరస్కరిస్తారా అన్నది చూడాలి.     

మడకశిర తొలినాళ్లలో జనరల్‌గా వుండేది.. అయితే నియోజకవర్గాల పునర్విభజన తర్వాత ఈ స్థానాన్ని ఎస్సీలకు రిజర్వ్ చేశారు. మాజీ మంత్రి రఘువీరారెడ్డి మడకశిర నుంచి బలమైన నేతగా ఎదిగారు. 1989లో మొదలైన రఘువీరా శకం 2004 వరకు కొనసాగింది. 2009లో ఆయన కళ్యాణదుర్గానికి మారినా మడకశిరపై పట్టు మాత్రం కోల్పోలేదు. ఇక్కడి నుంచి కాంగ్రెస్ పార్టీ 8 సార్లు, టీడీపీ 3 సార్లు, వైసీపీ రెండు సార్లు, ఇతరులు రెండు సార్లు విజయం సాధించారు. మడకశిరపై పట్టు కోల్పోకూడదని సీఎం వైఎస్ జగన్ భావిస్తున్నారు. ఈరన్నకు బదులు సునీల్ కుమార్‌కు చంద్రబాబు టికెట్ కేటాయించారు. ఒకప్పటి కంచుకోటలో పాగా వేయాలని కాంగ్రెస్ కూడా విశ్వప్రయత్నాలు చేస్తోంది.  

రాజకీయంగా హేమాహేమాలను దేశానికి అందించింది డోన్. రాష్ట్రపతిగా, లోక్‌సభ స్పీకర్‌గా, కేంద్ర మంత్రిగా, సీఎంగా, ఎంపీగా పనిచేసిన నీలం సంజీవ రెడ్డి డోన్ నుంచే ఎమ్మెల్యేగా గెలిచారు. మరో మాజీ సీఎం కోట్ల విజయభాస్కర్ రెడ్డి కూడా డోన్ నుంచే ప్రాతినిథ్యం వహించారు. రాష్ట్రంలోని వీఐపీ, హైప్రొఫెల్ నియోజకవర్గాల్లో ఒకటిగా డోన్ పేరు తెచ్చుకుంది. నంద్యాల లోక్‌సభ పరిధిలోకి వచ్చే డోన్ అసెంబ్లీ సెగ్మెంట్‌లో బేతంచర్ల, డోన్, ప్యాపిలీ మండలాలున్నాయి. మొత్తం ఓటర్ల సంఖ్య 2,19,679 మంది. బోయ సామాజికవర్గం ఇక్కడ రాజకీయాలను శాసిస్తోంది. తర్వాత ముస్లిం, యాదవ, దళిత, రెడ్డి, గౌడల్లోని ఈడిగ వర్గాలు బలమైనవి. మరోసారి డోన్‌లో గెలిచి హ్యాట్రిక్ నమోదు చేయాలని బుగ్గన పట్టుదలతో వున్నారు. టీడీపీ నుంచి కోట్ల జయసూర్యప్రకాశ్ రెడ్డి బరిలో దిగుతున్నారు.  

1978 వరకు శ్రీశైలం ఆత్మకూరు నియోజకవర్గంలో భాగంగా వుండేది. అయితే నియోజకవర్గాల పునర్విభజనలో భాగంగా 2009లో శ్రీశైలం ఏర్పాటైంది. శ్రీశైలంలో మొత్తం ఓటర్ల సంఖ్య 1,84,794 . ఈ నియోజకవర్గంలో శ్రీశైలం, ఆత్మకూరు, వెలుగోడు, బండి ఆత్మకూరు, మహానంది మండలాలున్నాయి. 2009లో నియోజకవర్గం ఏర్పడినప్పుడు కాంగ్రెస్ నుంచి ఏరాసు ప్రతాప్ రెడ్డి విజయం సాధించారు. 2014, 2019లలో వైసీపీ నేతలు బుడ్డా రాజశేఖర్ రెడ్డి, శిల్పా చక్రపాణి రెడ్డిలు గెలుపొందారు. 2024 అసెంబ్లీ ఎన్నికలను టీడీపీ, వైసీపీలు ప్రతిష్టాత్మకంగా తీసుకున్నాయి. శ్రీశైలంలో మరోసారి గెలిచి హ్యాట్రిక్ నమోదు చేయాలని జగన్ భావిస్తున్నారు. ఈసారి మాత్రం శ్రీశైలంలో పాగా వేయాలని చంద్రబాబు భావిస్తున్నారు.