weather alert: మ‌ళ్లీ వ‌ర్షాలు.. తెలుగు రాష్ట్రాలకు వాతావ‌ర‌ణ శాఖ హెచ్చ‌రిక‌లు

weather alert: తెలుగు రాష్ట్రాల్లో మ‌ళ్లీ వ‌ర్షాలు మొద‌ల‌వుతాయ‌ని భార‌త‌ వాతావ‌ర‌ణ శాఖ హెచ్చ‌రించింది. రాబోయే మూడు రోజుల్లో తీవ్ర గాలులు, వడగళ్ల వర్షాలు కురిసే అవకాశం ఉందని వాతావరణ శాఖ సూచనలు జారీ చేసింది.  

weather alert: రెండు తెలుగు రాష్ట్రాలు ఆంధ్ర‌ప్ర‌దేశ్, తెలంగాణ‌ల్లో మ‌ళ్లీ వ‌ర్షాలు కురుస్తాయ‌ని భార‌త వాతావరణ శాఖ (ఐఎండీ) పేర్కొంది. రాబోయే మూడు రోజులు రెండు రాష్ట్రాల్లో వర్షాలు, ఈదురుగాలులతో కూడిన వడగళ్ల వర్షాలు కురిసే అవకాశం ఉందని హెచ్చరిక జారీ చేసింది.

తెలంగాణ రాష్ట్రంలో ఉమ్మడి జిల్లాలైన ఆదిలాబాద్, నిజామాబాద్, నల్గొండ, మహబూబ్‌నగర్, రంగారెడ్డి, హైదరాబాద్‌ ప్రాంతాల్లో మోస్తరు నుంచి భారీ వర్షాలు కురిసే అవకాశముందని అధికారులు తెలిపారు. అలాగే గంటకు 50 నుండి 60 కి.మీ వేగంతో ఈదురుగాలులు వీస్తాయని, వడగళ్ల వర్షం కూడా పడే అవకాశం ఉన్నట్లు పేర్కొన్నారు.

ఆంధ్రప్రదేశ్‌లోనూ పలు జిల్లాల్లో వాతావరణ మార్పులు కనిపిస్తున్నాయి. అల్లూరి సీతారామరాజు, తూర్పు గోదావరి, పశ్చిమ గోదావరి, కడప, సత్యసాయి, అన్నమయ్య జిల్లాల్లో మోస్తరు వర్షాల నుంచి కొన్ని ప్రాంతాల్లో భారీ వర్షాలు కురిసే అవకాశం ఉందని అధికారులు తెలిపారు.

Orange alert issued for Telangana heavy rain and thunderstorms likely

తెలంగాణ‌లో ఆరెంజ్ అల‌ర్ట్  

భారత వాతావరణ విభాగం (IMD) తెలంగాణ రాష్ట్రానికి వాతావరణ హెచ్చరికలు జారీ చేసింది. రాష్ట్రవ్యాప్తంగా వచ్చే మూడు రోజుల్లో తేలికపాటి నుండి మోస్తరు వర్షాలు కురిసే అవకాశం ఉంది. పశ్చిమ తెలంగాణలో పిడుగులు, ఈదురు గాలులతో కూడిన వర్షాలు సంభవించే అవకాశముందని ఐఎండీ 'ఆరెంజ్ అలర్ట్'ను ప్రకటించింది.

హైదరాబాద్ వాతావరణ కేంద్ర డైరెక్టర్ కె. నాగరత్నా తెలిపిన వివరాల ప్రకారం.. పశ్చిమ విదర్భ నుంచి ఉత్తర కేరళ వరకు సముద్రమట్టానికి 0.9 కిలోమీటర్ల ఎత్తులో  ద్రోణి ఉంది. అలాగే, తూర్పు ఉత్తరప్రదేశ్‌పై ఏర్పడిన చక్రవాత పరాగమ్యాన్ని ఆధారంగా తీసుకుని ఉత్తర ఒడిశా మీదుగా ఛత్తీస్‌గఢ్ వరకు మ‌రో ద్రోణి విస్తరించింది. ఈ ప్రభావంతో, తెలంగాణలో కొన్ని ప్రాంతాల్లో తేలికపాటి నుండి మోస్తరు వర్షాలు కురిసే అవకాశం ఉందని తెలిపారు.

అలాగే, బుధ‌వారం నుంచి రాష్ట్రవ్యాప్తంగా వర్షపాతం మరింత పెరిగే అవకాశముంది. పశ్చిమ జిల్లాల్లో ఈదురు గాలులు, పిడుగులతో కూడిన వర్షాలు వచ్చే 48 గంటల్లో సంభవించవచ్చు. మే 19న వర్షపాతం కొద్దిగా తగ్గుతుందని తెలిపారు. ఉష్ణోగ్రతల విషయానికొస్తే.. ప్రస్తుతం రాష్ట్రవ్యాప్తంగా 4 నుండి 5 రోజులపాటు ఉష్ణోగ్రతలు 36°C నుండి 40°C వరకు నమోదవుతాయని అంచనా వేశారు.

No heatwave in Andhra Pradesh this week, hits Rains again says IMD

ఆంధ్ర‌ప్ర‌దేశ్ లో ఈ ప్రాంతాల‌కు హెచ్చ‌రిక‌లు 

ఆంధ్రప్రదేశ్ లో ఈ వారంలో వ‌ర్షాలు కురుస్తాయని వాతావ‌ర‌ణ శాఖ తెలిపింది. రాయలసీమ, ఏపీలోని తూర్పు జిల్లాల్లో వ‌ర్షాలు ప‌డ‌నున్నాయి. భారత వాతావరణ విభాగం (IMD) తాజా ప్రకటన ప్రకారం, మే 16 వరకు రాష్ట్రంలో ప‌లు చోట్ల వ‌ర్షాలు కురుస్తాయి.  అల్లూరి సీతారామరాజు, తూర్పు గోదావరి, పశ్చిమ గోదావరి, కడప, సత్యసాయి, అన్నమయ్య జిల్లాల్లో మోస్తరు వర్షాల నుంచి కొన్ని ప్రాంతాల్లో భారీ వర్షాలు కురిసే అవకాశం ఉందని అధికారులు తెలిపారు.

మారుతున్న వాతావరణ పరిస్థితుల నేపథ్యంలో మే 16 వరకు ఉత్తర, దక్షిణ తూర్పు ఆంధ్రప్రదేశ్, యానాం, రాయలసీమ ప్రాంతాల్లో గాలులతో కూడిన పిడుగులతో వర్షాలు పడే అవకాశముందని ఐఎండీ పేర్కొంది. రాయలసీమలో కొన్ని ప్రదేశాల్లో భారీ వర్షాలు కూడా ప‌డే అవకాశం ఉంది.

రాష్ట్రంలో మార్చి 1 నుండి మే 12 వరకు 64.3 మిల్లీమీటర్ల వర్షపాతం నమోదయ్యిందని ఐఎండీ తెలిపింది. ఇది సాధారణంగా వచ్చే 56 మిల్లీమీటర్ల వర్షంతో పోలిస్తే సుమారు 15 శాతం అధికం. ఈ వర్షాల కారణంగా రాష్ట్రవ్యాప్తంగా గడిచిన రోజులలో ఉష్ణోగ్రతలు కొంత మేర తగ్గాయి.