వివాహేతర సంబంధం.. అక్క ప్రియుడిని చంపిన తమ్ముడు

అక్కతో వివాహేతర సంబంధం పెట్టుకున్న వ్యక్తిని తమ్ముడు దారుణంగా చంపాడు. వివరాల్లోకి వెళితే ఖమ్మం జిల్లా చండ్రుగొండ మండలం దామరచర్లకు చెందిన బీరయ్య, సరస్వతి దంపతుల కుమారుడు వెంకటకృష్ణ... కొత్తగూడెం మండలంలోని సింగరేణిలో కాంట్రాక్ట్ ఉద్యోగిగా పనిచేస్తున్నాడు.

22 year man killed due to illegal affair

sivanagaprasad Kodati

Khammam, First Published Dec 26, 2018, 10:54 AM IST

రోజూ ఇంటి నుంచే విధులకు హాజరవుతున్నాడు. ఈ క్రమంలో అతనికి దామరచర్లకు చెందిన వివాహితతో అక్రమ సంబంధం ఏర్పడింది. ఖమ్మంలో హమాలీగా పనిచేస్తున్న వివాహిత సొదరుడికి ఈ విషయం తెలియడంతో అతను వెంకటకృష్ణను మందలించినట్టు సమాచారం.

ఆ వివాహిత కూడా మూడు నెలల క్రితం వెంకటకృష్ణపై పోలీసులకు ఫిర్యాదు చేసినట్లు తెలుస్తోంది. ఇద్దరు ఇక నుంచి దూరంగా ఉండాలని, ఒకరినొకరు కలవకూడదని గ్రామ పెద్దలు పంచాయతీ కూడా చెప్పారు. అయినప్పటికీ వీరిద్దరి మధ్య సంబంధం కొనసాగుతోందని గ్రామస్తులు గుసగుసలాడుకుంటున్నారు.

కాగా, సోమవారం తెల్లవారుజామున ఇంటి నుంచి బయటకి వెళ్లిన వెంకట కృష్ణ మళ్లీ ఇంటికి తిరిగిరాలేదు. మంగళవారం ఉదయం ఊరి చివరనున్న రామక్కబంజర్ వెళ్లే మార్గంలో గల పోలాల వద్ద శవమై కనిపించాడు. అతడి శరీరంపై బలమైన గాయాలున్నాయి..

ముఖమంతా రక్తస్రావమైంది. అతడి తండ్రి బీరయ్య ఫిర్యాదుతో రంగంలోకి దిగిన పోలీసులు కేసు నమోదు చేసుకుని దర్యాప్తు చేస్తున్నారు. అయితే వివాహిత సోదరుడు మూడు రోజుల క్రితం ఖమ్మం నుంచి దామరచర్లకు వచ్చాడని, వెంకటకృష్ణ హత్య తరువాత అతడు కనిపించడం లేదని గ్రామస్తులు అనుమానం వ్యక్తం చేస్తున్నారు.

వివాహేతర సంబంధం.. అక్క ప్రియుడిని చంపిన తమ్ముడు

RELATED STORIES

Recent Stories

Recent Videos