చంద్రబాబుతో భేటీ: కూకట్‌పల్లి సీటు హరికృష్ణ కూతురు సుహాసినికే

విశాఖపట్టణం: విశాఖపట్టణంలోని నోవాటెల్‌ హోటల్‌లో నందమూరి హరికృష్ణ కూతురు సుహాసిని ఏపీ సీఎం చంద్రబాబునాయుడును కలిశారు.

suhasini meets chandrababunaidu in vizag

Hyderabad, First Published Nov 15, 2018, 3:37 PM IST

విశాఖపట్టణం: విశాఖపట్టణంలోని నోవాటెల్‌ హోటల్‌లో నందమూరి హరికృష్ణ కూతురు సుహాసిని ఏపీ సీఎం చంద్రబాబునాయుడును కలిసినట్లు ప్రచారం జరుగుతోంది. కూకట్ పల్లి స్థానం నుండి సుహాసినిని టీడీపీ బరిలోకి దింపనుంది. ఈ మేరకు సుహాసిని విశాఖ పర్యటనలో ఉన్న చంద్రబాబును కలిసింది. తెలంగాణ టీడీపీ నేతలతో చంద్రబాబునాయుడు గురువారం సాయంత్రం సమావేశం కానున్నారు.

కూకట్‌పల్లి స్థానం నుండి నందమూరి హరికృష్ణ కూతురు సుహాసినిని బరిలోకి దింపాలని ఆ పార్టీ నాయకత్వం భావిస్తోంది. ఈ స్థానం నుండి మాజీ మంత్రి పెద్దిరెడ్డి కూడ పోటీ చేసేందుకు రంగం సిద్దం చేసుకొంటున్నారు.

మరోవైపు కూకట్‌పల్లి కార్పోరేటర్ మందాడి శ్రీనివాసరావు కూడ పోటీ కి సిద్దమయ్యారు. ప్రచారాన్ని కూడ కొనసాగిస్తున్నారు.అయితే ఈ తరుణంలో నందమూరి హరికృష్ణ పేరును టీడీపీ పరిశీలించింది.

ఇటీవలనే రోడ్డు ప్రమాదంలో నందమూరి హరికృష్ణ మరణించారు.ఈ స్థానంలో హరికృష్ణ కూతురు సుహాసినిని బరిలోకి దింపితే ప్రయోజనంగా ఉంటుందని టీడీపీ భావించింది. ఈ విషయాన్ని హరికృష్ణ కుటుంబసభ్యుల వద్ద చంద్రబాబునాయుడు ప్రతిపాదించారు.

కూకట్ పల్లి నుండి సుహాసినిని బరిలోకి దిగడం జూనియర్ ఎన్టీఆర్‌కు ఇష్టం లేదనే ప్రచారం కూడ సాగుతోంది. ఈ పరిణామాల నేపథ్యంలో విశాఖ పర్యటనలో ఉన్న ఏపీ సీఎం చంద్రబాబునాయుడును సుహాసిని గురువారం నాడు కలిశారు. కూకట్ పల్లి నుండి సుహాసినిని బరిలోకి దింపనున్నారు. కూకట్‌పల్లి కార్పోరేటర్ మందాడి శ్రీనివాసరావును చంద్రబాబునాయుడు బుజ్జగించనున్నారు.ఈ మేరకు మందాడి శ్రీనివాసరావుకు చంద్రబాబునాయుడు సమాచారం పంపారు. మందాడి శ్రీనివాసరావు బాబును కలిసే అవకాశం ఉంది.

ఇదిలా ఉంటే తెలంగాణ టీడీపీ నేతలు కూడ బాబుతో సమావేశం కానున్నారు. తెలంగాణ టీడీపీ నేతలకు కూబా బాబు సమాచారమిచ్చారు. గురువారం సాయంత్రం పార్టీ తెలంగాణ టీడీపీనేతల సమావేశంలో కూకట్‌పల్లి అసెంబ్లీ నుండి సుహాసిని పేరును ప్రకటించే అవకాశం ఉంది.కూకట్ పల్లి నుండి పోటీ చేసే విషయమై సుహాసిని విశాఖలో బాబుతో సమావేశమైందని సమాచారం.

చంద్రబాబుతో భేటీ: కూకట్‌పల్లి సీటు హరికృష్ణ కూతురు సుహాసినికే

RELATED STORIES

Recent Stories

Recent Videos