ప్రజా కూటమికి బీటలు: సీట్ల సర్దుబాటుపై పీటముడి

మహా కూటమిలోని పార్టీల మధ్య సీట్ల సర్దుబాటు విషయమై  చర్చలు కొనసాగుతున్నాయి. 

mahakutami

హైదరాబాద్: మహా కూటమిలోని పార్టీల మధ్య సీట్ల సర్దుబాటు విషయమై చర్చలు కొనసాగుతున్నాయి. దీంతో ఈ కూటమి కుదురుకోకముందే విచ్ఛిన్నమయ్యే పరిస్థితులున్నాయని ప్రత్యర్థులు విమర్శలు చేస్తున్నారు.సీట్ల సర్దుబాటును తేల్చకపోతే మా దారి మేం చూసుకొంటామని భాగస్వామ్యపార్టీల నేతల ఇప్పటికే పలుమార్లు కాంగ్రెస్‌ను హెచ్చరించారు.

తెలంగాణ రాష్ట్రంలో డిసెంబర్ 7వ తేదీన ఎన్నికలు జరగనున్నాయి.ఈ ఎన్నికల్లో టీఆర్ఎస్‌ను ఓడించేందుకు గాను మహాకూటమి( ప్రజా కూటమి) ఏర్పాటైంది. టీడీపీ, కాంగ్రెస్, సీపీఐ, టీజేఎస్‌లు ఈ కూటమిలో భాగస్వామ్యులుగా ఉన్నారు.

ఈ కూటమిలోని పార్టీల మధ్య సీట్ల సర్ధుబాటు ఇంకా తేలలేదు. టీజేఎస్ చీప్ కోదండరామ్ సీట్ల సర్ధుబాటును తేల్చాలని కాంగ్రెస్ పార్టీపై ఒత్తిడి తెస్తున్నారు.కాంగ్రెస్ పార్టీకి తొలుత 36 సీట్ల జాబితాను ఆ పార్టీ నేతలు ఇచ్చారు. తాజాగా కనీసం 12 సీట్లు ఇవ్వాలని ఆ పార్టీ నేతలు ప్రతిపాదిస్తున్నారు. కానీ 6 సీట్లు ఇచ్చేందుకు కాంగ్రెస్ పార్టీ నేతలు సానుకూలంగా స్పందించారు.

తాము బలహీనంగా ఉన్న స్థానాలను టీజెఎస్‌కు ఇచ్చేందుకు కాంగ్రెస్ పార్టీ ముందుకు వచ్చింది. అయితే తాము కోరిన సీట్లను ఇవ్వకపోతే రెబెల్‌గా పోటీ చేయడానికి కూడ వెనుకాడబోమని కూడ కొందరు టీజెఎస్ నేతలు హెచ్చరిస్తున్నారు.

టీజేఎస్‌లో చేరే సమయంలో టిక్కెట్టు విషయమై హామీ పొందిన నేతలు ఈ విషయమై రెబెల్‌గా పోటీకి కూడ రెడీ అంటున్నారు. కొందరైతే తాము పోటీ చేసేందుకు టిక్కెట్లు దక్కకపోతే పార్టీని వీడుతామని హెచ్చరిస్తున్నారనే ప్రచారం సాగుతోంది. ఈ తరుణంలో కాంగ్రెస్‌ పార్టీపై టీజేఎస్ నేతలు సీట్ల సర్దుబాటును పూర్తి చేయాలని ఒత్తిడి చేస్తున్నారు. 

సంబంధిత వార్తలు