రాహుల్‌గాంధీతో కోదండరామ్ భేటీ: టీజేఎస్‌‌కు స్వల్ప ఊరట

ప్రజా కూటమి( మహాకూటమి)లో సీట్ల సర్ధుబాటు వ్యవహరం ఢిల్లీకి చేరింది

kodandaram rahul gandhi

న్యూఢిల్లీ: ప్రజా కూటమి( మహాకూటమి)లో సీట్ల సర్ధుబాటు వ్యవహరం ఢిల్లీకి చేరింది. కూటమిలో భాగస్వామిగా ఉన్న టీజేఎస్‌ కు సీట్ల కేటాయింపు విషయమై కాంగ్రెస్ పార్టీ చీఫ్ రాహుల్‌తో టీజేఎస్‌ చీఫ్ కోదండరామ్ శుక్రవారం నాడు సమావేశమయ్యారు.

ప్రజా కూటమి(మహా కూటమి) సీట్ల సర్దుబాటు వ్యవహరం ఇంకా కొలిక్కి రాలేదు. కాంగ్రెస్ పార్టీ 95 సీట్లలో పోటీ చేయనుంది. 24 సీట్లను మిత్రపక్షాలకు కేటాయించాలని కాంగ్రెస్ నిర్ణయం తీసుకొంది. ఈ 24 సీట్లలో 14 సీట్లు టీడీపీకి ఇవ్వాలని కాంగ్రెస్ ఫైనల్ చేసింది.

సీట్ల సర్దుబాటు విషయమై చర్చించేందుకు కాంగ్రెస్ పార్టీ చీఫ్ రాహుల్ గాంధీతో శుక్రవారం నాడు మధ్యాహ్నం కోదండరామ్ సమావేశమయ్యారు.టీజేఎస్ కనీసం 15 సీట్లు కావాలని కోరుతోంది. కానీ చివరగా 8 సీట్లు ఇచ్చేందుకు కాంగ్రెస్‌ సరేననే సంకేతాలు ఇస్తోంది. సీపీఐకి 2 సీట్లు ఇవ్వాలని కాంగ్రెస్ ప్రతిపాదిస్తోంది.కానీ, సీపీఐ 5 సీట్లను సీపీఐ కోరుతోంది.

టీజేఎస్, సీపీఐ సీట్ల విషయంలో ఇంకా ఫైనల్ కాలేదు. ఈ తరుణంలోనే కోదండరామ్ రాహుల్ గాంధీతో చర్చించనున్నారు. సీట్ల సర్దుబాటు విషయంలో కోదండరామ్‌కు నచ్చజెప్పేందుకు రాహుల్ ప్రయత్నాలు చేసే అవకాశాలున్నట్టుగా ఆ పార్టీ నేతలు చెబుతున్నారు.

ప్రజా కూటమి అధికారంలోకి వస్తే టీజేఎస్, సీపీఐ‌లకు నామినేటేడ్ పదవులను కేటాయించే విషయాన్ని కాంగ్రెస్ అధిష్టానం ప్రతిపాదించే అవకాశం ఉంది.

సంబంధిత వార్తలు