తెరపైకి హరికృష్ణ కూతురి పేరు: కూకట్‌పల్లిపై ఉత్కంఠ

కూకట్‌పల్లి అసెంబ్లీ నియోజకవర్గం నుండి టీడీపీ అభ్యర్థి ఎవరనే ఉత్కంఠ నెలకొంది. మాజీ మంత్రి పెద్దిరెడ్డి ఈ స్థానం నుండి పోటీ చేసేందుకు రంగం సిద్దం చేసుకొంటున్నారు.

Who is the tdp candidate for kukatpally segment

narsimha lode

Kukatpally, First Published Nov 14, 2018, 5:33 PM IST

హైదరాబాద్: కూకట్‌పల్లి అసెంబ్లీ నియోజకవర్గం నుండి టీడీపీ అభ్యర్థి ఎవరనే ఉత్కంఠ నెలకొంది. మాజీ మంత్రి పెద్దిరెడ్డి ఈ స్థానం నుండి పోటీ చేసేందుకు రంగం సిద్దం చేసుకొంటున్నారు. మరోవైపు స్థానిక కార్పోరేటర్ మందాడి శ్రీనివాసరావు ఇప్పటికే ప్రచారాన్ని ప్రారంభించారు.దివంగత హరికృష్ణ కూతురు సుహాసినిని ఈ స్థానంలో బరిలోకి దింపేందుకు టీడీపీ నాయకత్వం యోచనలో ఉంది.

2014 ఎన్నికల్లో కూకట్‌పల్లి అసెంబ్లీ నియోజకవర్గంలో టీడీపీ అభ్యర్ధిగా పోటీ చేసిన మాధవరం కృష్ణారావు విజయం సాధించారు.జీహెచ్ఎంసీ ఎన్నికలకు ముందే మాధవరం కృష్ణారావు టీడీపీని వీడి టీఆర్ఎస్ లో చేరారు.

కాంగ్రెస్, సీపీఐ, టీడీపీ, టీజేఎస్‌లు ప్రజా కూటమి (మహాకూటమి)గా పోటీ చేస్తున్నాయి. కూకట్‌పల్లి స్థానాన్ని కాంగ్రెస్ పార్టీ టీడీపీకి కేటాయించింది. ఈ సీటులో మాజీ మంత్రి పెద్దిరెడ్డి పోటీ చేసేందుకు రంగం సిద్దం చేసుకొన్నారు.

కూకట్ పల్లి సీటు నుండి పోటీ చేసేందుకు స్థానిక టీడీపీ కార్పోరేటర్ మందాడి శ్రీనివాసరావు కూడ ఆసక్తితో ఉన్నారు. బుధవారం నాడు మందాడి శ్రీనివాసరావు ప్రచారాన్ని కూడ ప్రారంభించారు.

కూకట్‌పల్లి అసెంబ్లీ స్థానం నుండి హరికృష్ణ కూతురు సుహాసినిని బరిలోకి దింపాలనే యోచనలో టీడీపీ ఉందని సమాచారం. అయితే సుహాసినిని టీడీపీ బరిలోకి దింపితే మాజీ మంత్రి పెద్దిరెడ్డి, స్థానిక కార్పోరేటర్ శ్రీనివాసరావు టికెట్ల కోసం పడుతున్న గొడవకు చెక్ పెట్టొచ్చని పార్టీ నాయకత్వం భావిస్తోంది. కూకట్ పల్లి స్థానంలో పార్టీ గెలిచే చాన్స్ ఉన్నా అభ్యర్ధి ఎవరనేది ఇంకా నిర్ణయం తీసుకోలేదని ఆ పార్టీ క్యాడర్ ఆందోళన చెందుతోంది.

కూకట్ పల్లి అసెంబ్లీ స్థానం నుండి ఎవరిని బరిలోకి దింపుతారనే విషయమై ఇంకా స్పష్టత రాలేదు. తనకే ఈ స్థానం నుండి టికెట్టు వస్తోందని మందాడి శ్రీనివాసరావు భావిస్తున్నారు.

తెరపైకి హరికృష్ణ కూతురి పేరు: కూకట్‌పల్లిపై ఉత్కంఠ

RELATED STORIES

Recent Stories

Recent Videos