జగన్‌పై దాడి: శ్రీనివాస్‌కు 120 కాల్స్, ఎవరీ కేకే

విశాఖలోని వైసీపీ కార్యాలయంలో ఆపీస్ అసిస్టెంట్‌గా పనిచేసే కేకే‌కు జగన్‌పై కత్తితో దాడికి పాల్పడిన నిందితుడు శ్రీనివాసరావుకు మధ్య ఎలా పరిచయం ప్రారంభమైందనే విషయమై పోలీసులు దర్యాప్తు చేస్తున్నారు

narsimha lode

Vizag, First Published Nov 9, 2018, 5:51 PM IST

విశాఖపట్టణం : విశాఖలోని వైసీపీ కార్యాలయంలో ఆపీస్ అసిస్టెంట్‌గా పనిచేసే కేకే‌కు జగన్‌పై కత్తితో దాడికి పాల్పడిన నిందితుడు శ్రీనివాసరావుకు మధ్య ఎలా పరిచయం ప్రారంభమైందనే విషయమై పోలీసులు దర్యాప్తు చేస్తున్నారు. వీరిద్దరి మధ్య 120 దఫాలు ఫోన్ సంభాషణ ఎందుకు సాగిందనే విషయమై పోలీసులు చేధించే పనిలో ఉన్నారు.

విశాఖ ఎయిర్‌పోర్ట్‌లో వైసీపీ చీఫ్ వైఎస్ జగన్‌పై ఈ ఏడాది అక్టోబర్ 25వ తేదీన కత్తితో శ్రీనివాసరావు దాడి చేశాడు. ఈ దాడి ఘటనపై సిట్ దర్యా్పతు చేస్తోంది. ఈ దర్యాప్తు సందర్భంగా శ్రీనివాసరావు కాల్‌డేటాను పరిశీలించిన సిట్ ఆశ్చర్యపోయింది. విశాఖ వైసీపీ కార్యాలయంలో ఆఫీస్ అసిస్టెంట్‌గా పనిచేసే కేకేతో శ్రీనివాసరావు తరచూ ఫోన్ సంభాషణలు చేశారని గుర్తించారు.

వైసీపీ చీఫ్ వైఎస్ జగన్‌పై దాడి చేసిన శ్రీనివాసరావుకు విశాఖ వైసీపీకార్యాలయంలో పనిచేసే కేకే‌ మధ్య ఎందుకు ఫోన్ సంభాషణ చోటు చేసుకొందనే విషయమై సిట్ దర్యాప్తు చేస్తోంది.కేకేతో శ్రీనివాసరావు సుమారు 120 దఫాలు ఫోన్లు మాట్లాడడంపై సిట్ ఆరా తీస్తోంది. ఈ విషయమై కేకేను కూడ అదుపులోకి తీసుకొని సిట్ విచారించింది.

ఇదిలా ఉంటే కేకే నాలుగు నెలల క్రితమే వైసీపీ కార్యాలయంలో చేరారు. వైసీపీ రాజ్యసభ సభ్యుడు విజయసాయిరెడ్డి ద్వారా వైసీపీ కార్యాలయంలో చేరినట్టు స్థానిక పత్రిక లీడర్‌ పేర్కొంది. వైసీపీ కార్యాలయంలో చేరడానికి ముందు కేకే విశాఖ జిల్లాకు చెందిన మాజీ మంత్రి కొణతాల రామకృష్ణ వద్ద సహాయకుడిగా పనిచేశారు.

అప్పట్లో కొణతాల రామకృష్ణ అపాయింట్‌మెంట్ కావాలంటే కేకేను సంప్రదించాల్సిందే. కొణతాలకు కేకే అత్యంత సన్నిహితుడుగా ఉండేవాడని చెబుతుంటారు. ఎప్పుడు ఎక్కడ కొణతాల ఉంటారో తెలుసుకోవాలంటే కేకేను సంప్రదిస్తే పూర్తి వివరాలు తెలుస్తాయంటే కొణతాలతో కేకేకు ఏ మేరకు సన్నిహిత సంబంధాలు ఉన్నాయో తెలిసిపోతోంది.

విశాఖ ఎయిర్‌పోర్ట్‌లో ఎలాంటి పాస్‌లు లేకుండా యదేచ్ఛగా తిరుగుతారని చెబుతుంటారు. కొణతాలతో పాటు ఇంకా పలువురి ప్రముఖులతో కూడ కేకేకు సంబంధాలు ఉన్నాయని ప్రచారంలో ఉంది.

నాలుగు మాసాల క్రితం విశాఖ ఎయిర్‌పోర్ట్‌లో కేకే వైఎస్ జగన్‌ను కలిసి తనకు ఏదైనా ఉద్యోగం కావాలని కోరితే విజయసాయిరెడ్డికి కేకేను అప్పగించినట్టు సమాచారం. అయితే అప్పటి నుండి విశాఖలోని విజయసాయిరెడ్డి ( వైసీపీ) కార్యాలయంలో కేకే పనిచేస్తున్నారు.

జగన్‌పై దాడికి పాల్పడిన శ్రీనివాసరావుతో కేకేకు ఎలా మధ్య సంబంధం ఎలా కలిసింది, 120 సార్లు వీరిద్దరూ ఏం మాట్లాడుకొన్నారనే విషయమై ప్రస్తుతం చర్చనీయాంశంగా మారింది.

వీరిద్దరి మధ్య ఫోన్ సంభాషణలపై సిట్ ఆరా తీసే పనిలో ఉంది. మరోవైపు మరోసారి శ్రీనివాసరావును కస్టడీలోకి తీసుకొని విచారణ చేయాలని కూడ సిట్ భావిస్తోంది.

సంబంధిత వార్తలు

జగన్ పై దాడి.. హైకోర్టు సంచలన కామెంట్స్

జగన్‌పై దాడి: జోగి రమేష్‌ విచారణ, గుంటూరులో ఉద్రిక్తత

జగన్ పై దాడి కేసు:విచారణకు హాజరైన జోగి రమేష్

జగన్‌పై దాడి: శ్రీనివాస్‌ కత్తి ఎలా తీసుకెళ్లాడంటే?

జగన్ మీద దాడిపై జేసి దివాకర్ రెడ్డి సంచలన వ్యాఖ్యలు

జగన్‌కేసు దర్యాప్తు: శ్రీనివాస్ దుబాయ్‌లో వెల్డర్, హైద్రాబాద్‌లో కుక్

జగన్‌పై దాడి కేసులో ట్విస్ట్: ఆ యువతులే కీలకం

జగన్‌పై దాడి కేసు...శ్రీనివాస్‌ మళ్లీ జైలుకే

జగన్‌పై దాడి: శ్రీనివాసరావుకు లైడిటెక్టర్ పరీక్ష..?

జగన్‌పై దాడి: ఆ నలుగురితో శ్రీనివాసరావు సంభాషణ