జగన్‌ వాంగ్మూలం కోసం న్యాయస్థానానికి ఏపీ పోలీసులు

విశాఖ ఎయిర్‌పోర్ట్‌లో దాడి ఘటనపై స్టేట్‌మెంట్ కోసం మరోసారి వైసీపీ చీఫ్ వైఎస్‌ జగన్‌ను విశాఖ పోలీసులు  కలిసే ప్రయత్నం చేయనున్నారు

ఆస్పత్రి నుంచి జగన్ డిశ్చార్జి (ఫొటోలు)

విశాఖపట్టణం: విశాఖ ఎయిర్‌పోర్ట్‌లో దాడి ఘటనపై స్టేట్‌మెంట్ కోసం మరోసారి వైసీపీ చీఫ్ వైఎస్‌ జగన్‌ను విశాఖ పోలీసులు కలిసే ప్రయత్నం చేయనున్నారు. ఒకవేళ జగన్‌ స్టేట్‌మెంట్ ఇచ్చేందుకు మరోసారి నిరాకరిస్తే అవసరమైతే న్యాయస్థానాన్ని ఆశ్రయించాలని భావిస్తున్నారు.

విశాఖ ఎయిర్‌పోర్ట్‌లో అక్టోబర్ 25వ తేదీన వైఎస్ జగన్‌పై శ్రీనివాసరావు దాడికి పాల్పడ్డాడు. ఈ దాడికి పాల్పడిన శ్రీనివాసరావును పోలీసులు తమ కస్టడీలోకి తీసుకొని విచారణ చేస్తున్నారు.

విశాఖ ఎయిర్‌పోర్ట్‌లో జరిగిన ఘటనపై సిట్ బృందం సభ్యులు స్టేట్‌మెంట్ కోసం జగన్‌ వద్దకు వచ్చారు. అయితే జగన్‌ మాత్రం ఏపీ పోలీసులకు స్టేట్‌మెంట్ ఇచ్చేందుకు మాత్రం అంగీకరించలేదు. ఈ పరిణామాల నేపథ్యంలో ఏపీ పోలీసులు మరోసారి జగన్‌ స్టేట్‌మెంట్ కోసం ప్రయత్నిస్తున్నారు.

ఈ ఘటనపై స్టేట్‌మెంట్ కోసం పోలీసులు ప్రయత్నాలు చేస్తున్నారు. సీఆర్‌పీసీ 160 సెక్షన్ కింద పోలీసులు నోటీసులు జారీ చేశారు.అయితే పోలీసులకు రెండో సారి కూడ జగన్ సహకరించకపోతే అవసరమైతే న్యాయస్థానాన్ని ఆశ్రయించాలని కూడ పోలీసులు భావిస్తున్నారు.

నవంబర్ 3వ తేదీ నుండి వైసీపీ చీఫ్ వైఎస్ జగన్‌ విజయనగరంలో పాదయాత్రను ప్రారంభించనున్నారు.ఈ పాదయాత్ర నాటికైనా స్టేట్ మెంట్ ఇవ్వకపోతే న్యాయస్థానాన్ని ఆశ్రయించాలని పోలీసులు భావిస్తున్నారు.

సంబంధిత వార్తలు