జగన్‌కేసు దర్యాప్తు: శ్రీనివాస్ దుబాయ్‌లో వెల్డర్, హైద్రాబాద్‌లో కుక్

వైసీపీ చీఫ్ వైఎస్ జగన్‌పై దాడికి పాల్పడిన నిందితుడు శ్రీనివాసరావుకు సంబంధించి ఆసక్తికర విషయాలను సిట్ బృందం విచారణలో తెలుసుకొంది

vizag police enquired 321 members on jagan attack case

narsimha lode

Vizag, First Published Nov 2, 2018, 1:47 PM IST

విశాఖపట్టణం: వైసీపీ చీఫ్ వైఎస్ జగన్‌పై దాడికి పాల్పడిన నిందితుడు శ్రీనివాసరావుకు సంబంధించి ఆసక్తికర విషయాలను సిట్ బృందం విచారణలో తెలుసుకొంది. విదేశాల్లో కూడ శ్రీనివాసరావు పనిచేశాడని సిట్ అధికారులు గుర్తించారు.

విశాఖ ఎయిర్‌పోర్ట్‌లో అక్టోబర్ 25వ తేదీన వైసీపీ చీఫ్ వైఎస్ జగన్‌పై శ్రీనివాసరావు అనే కత్తితో దాడికి పాల్పడ్డాడు. ఈ దాడి ఘటనకు సంబంధించి పోలీసులు కస్టడీకి తీసుకొని విచారిస్తున్నారు. శుక్రవారంతో శ్రీనివాసరావు పోలీస్ కస్టడీ ముగియనుంది.

ఆరు రోజుల పాటు శ్రీనివాసరావును పోలీసులు విచారించారు. శ్రీనివాసరావు కొన్ని విషయాలు వెలుగు చూశాయి. విశాఖలో పనిచేయడానికి ముందు శ్రీనివాసరావు దుబాయ్‌లో వెల్డర్‌గా పనిచేశాడు.

ఆ తర్వాత దుబాయ్‌ నుండి శ్రీనివాసరావు స్వదేశానికి తిరిగి వచ్చాడు.దుబాయ్ నుండి వచ్చిన తర్వాత శ్రీనివాసరావు హైద్రాబాద్‌లో కుకింగ్ నేర్చుకొన్నాడు. 8 మాసాల క్రితం విశాఖ ఎయిర్‌పోర్ట్‌లోని రెస్టారెంట్‌లో చేరాడు.

ఈ ఘటనకు సంబంధించి ఆరు రోజులుగా సిట్ బృందం 321 మందిని విచారించింది. ఇందులో 52 మందిని ప్రత్యక్షంగా పోలీసులు విచారించారు. అయితే సిట్ విచారణలో శ్రీనివాసరావు పూర్తిగా సమాచారాన్ని ఇవ్వడం లేదని పోలీసులు అనుమానిస్తున్నారు. కొన్ని విషయాల్లో వాస్తవాలు చెబుతున్నా... కొన్ని విషయాల్లో మాత్రం శ్రీనివాసరావు అబద్దాలు చెబుతున్నట్టుగా సిట్ బృందం అభిప్రాయంతో ఉంది.

శ్రీనివాసరావు కాల్‌డేటా ఆధారంగా ఇప్పటికే 321 మందిని సిట్ విచారించింది. ఇందులో 52 మందిని ప్రత్యక్షంగా దర్యాప్తు చేశారు. శ్రీనివాసరావు నుండి సమగ్రంగా సమాచారాన్ని సేకరించేందుకు అవసరమైతే లై డిటెక్టర్‌‌తో పరీక్షలు నిర్వహించాలని పోలీసులు భావిస్తున్నారు. ఈ విషయమై న్యాయ నిపుణులతో చర్చిస్తున్నారు.

జగన్‌కేసు దర్యాప్తు: శ్రీనివాస్ దుబాయ్‌లో వెల్డర్, హైద్రాబాద్‌లో కుక్

RELATED STORIES

Recent Stories

Recent Videos