అసమ్మతి సెగ: కాంగ్రెస్ తొలి జాబితాలో కొందరికి షాక్

కాంగ్రెస్ పార్టీ ప్రకటించిన తొలి జాబితాపై కాంగ్రెస్ పార్టీ నుండి ఫిర్యాదులు వెల్లువెత్తాయి

congress plans to change some names in first list

Hyderabad, First Published Nov 14, 2018, 10:41 AM IST | Last Updated Nov 14, 2018, 10:41 AM IST

హైదరాబాద్: కాంగ్రెస్ పార్టీ ప్రకటించిన తొలి జాబితాపై కాంగ్రెస్ పార్టీ నుండి ఫిర్యాదులు వెల్లువెత్తాయి. ఒకే సామాజిక వర్గానికి ఎక్కువ సీట్లు కేటాయించడం ఇతర పార్టీల నుండి చేరినవారికి టికెట్లు కేటాయించడం వంటి పరిణామాలపై ఫిర్యాదులు రావడంతో రాహుల్‌గాంధీకి ఫిర్యాదులు వెల్లువెత్తాయి. దీంతో ఈ జాబితాను పున:పరిశీలించాలని రాహుల్‌ గాంధీ ఆదేశించినట్టు సమాచారం.

నవంబర్ 12వ తేదీ రాత్రి రాత్రి కాంగ్రెస్ పార్టీ 65 స్థానాలను ప్రకటించింది. ఈ జాబితాలో బీసీలకు 13 స్థానాలను కేటాయించారు.ఈ జాబితాలో రెడ్డి సామాజిక వర్గానికి అత్యధికంగా 23 సీట్లు దక్కాయి.దరిమిలా సీట్ల కోసం ఆశలు పెట్టుకొని సీట్లు దక్కనివారంతా ఈ జాబితాపై కాంగ్రెస్ పార్టీ చీఫ్ రాహుల్‌గాంధీకి ఫిర్యాదు చేసినట్టు సమాచారం.

తొలి జాబితాలో మాజీ పీసీసీ చీఫ్ పొన్నాల లక్ష్మయ్యకు చోటు దక్కలేదు. ఈ పరిణామం కూడ పార్టీని ఇబ్బందికి గురిచేసింది. కాంగ్రెస్ పార్టీ తొలి జాబితాపై అసంతృప్తులు ఫిర్యాదులు చేయడంతో కాంగ్రెస్ పార్టీ చీఫ్ రాహుల్ గాంధీ జాబితాపై పున: పరిశీలన చేయాలని కాంగ్రెస్ పార్టీ స్క్రీనింగ్ కమిటీని ఆదేశించినట్టు సమాచారం.

కాంగ్రెస్ పార్టీ తొలి జాబితాలో సీటు దక్కించుకొన్న వారిలో కొందరు కోవర్టు నేతలు ఉన్నారని అసంతృప్తులు రాహుల్‌కు ఫిర్యాదులు చేస్తున్నారు

స్టేషన్‌ఘన్‌పూర్ కాంగ్రెస్ పార్టీ టికెట్టు ఆశించిన మాజీ మంత్రి విజయరామారావుకు టికెట్టు దక్కలేదు. ఇందిరకు ఈ స్థానం నుండి కాంగ్రెస్ పార్టీ టికెట్టు కేటాయించింది. ఇందిర ఇదే స్థానం నుండి టీఆర్ఎస్ అభ్యర్ధిగా పోటీ చేస్తున్న మాజీ డీప్యూటీ సీఎం డాక్టర్ రాజయ్యకు సమీప బంధువు. కోవర్టు నేతల కారణంగానే తనకు టికెట్టు దక్కలేదని డాక్టర్ విజయరామారావు ఆరోపిస్తున్నారు.

తొలి జాబితాపై వచ్చిన ఫిర్యాదుల ఆధారంగా రెండో జాబితాను ఆచితూచి ఫైనల్ చేయాలని కాంగ్రెస్ పార్టీ నాయకత్వం భావిస్తోంది.రాహుల్ ఆదేశాల మేరకు తొలి జాబితాలో ప్రకటించిన కొన్ని పేర్లు మారే అవకాశం ఉందని కాంగ్రెస్ వర్గాల్లో ప్రచారంలో ఉంది. అందుకే రెండో జాబితాతో పాటు మూడో జాబితా ప్రకటనలో ఆలస్యమౌతోందని చెబుతున్నారు.

సంబంధిత వార్తలు

ప్రజాకూటమి సీట్ల జాబితా: కాంగ్రెస్, టీడీపీ రెబెల్స్ వీరే

కాంగ్రెస్, టీడీపీ జాబితాలపై సెగ: పోటీకి రెబెల్స్ రెడీ

నేను ఎక్కడి నుండి పోటీ చేస్తానో నాకే తెలియదు: కోదండరామ్
పొత్తుల చిచ్చు: స్వీయ నిర్భంధంలో కాంగ్రెస్ నేతలు

కాంగ్రెస్ అభ్యర్థుల జాబితా రెడీ: జానా, రేవంత్‌లకు ఢిల్లీ పిలుపు

ఢిల్లీలో సీట్ల కేటాయింపు: ఆందోళనలతో దద్దరిల్లుతున్న గాంధీభవన్

రేవంత్‌కు షాక్: కాంగ్రెస్ తొలి జాబితాలో ఉత్తమ్‌దే పై చేయి

పొత్తుల చిచ్చు: స్వీయ నిర్భంధంలో కాంగ్రెస్ నేతలు

ఢిల్లీలో సీట్ల కేటాయింపు: ఆందోళనలతో దద్దరిల్లుతున్న గాంధీభవన్

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

సీట్ల షాక్: అధిష్టానానికి రేవంత్ రెడ్డి వార్నింగ్

స్క్రీనింగ్ కమిటీ షాక్... భేటీ మధ్యలోంచి రేవంత్ బయటకు...