జగన్‌పై దాడి: పర్మిట్ లేని శ్రీనివాస్ అక్కడికి ఎలా వెళ్లాడు

 వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాస్ నిబంధనలకు విరుద్దంగా  విశాఖ ఎయిర్‌ పోర్ట్‌లో తిరిగిరాడని అధికారులు తేల్చారు. 

విశాఖపట్టణం: వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాస్ నిబంధనలకు విరుద్దంగా  విశాఖ ఎయిర్‌ పోర్ట్‌లో తిరిగిరాడని అధికారులు తేల్చారు. హైకోర్టు‌కు బీసీఎఎస్‌ రాతపూర్వకంగా నివేదికను మంగళవారం నాడు సమర్పించింది.

వైసీపీ చీఫ్ వైఎస్ జగన్‌‌పై  శ్రీనివాస్ అనే  యువకుడు ఈ ఏడాది అక్టోబర్ 25వ తేదీన కత్తితో దాడికి దిగారు. ఈ ఘటనపై  హైకోర్టులో జగన్ పిటిషన్ దాఖలు చేశారు. థర్ట్‌పార్టీ విచారణను కోరుతూ ఆయన  పిటిషన్ దాఖలు చేశారు.

ఈ పిటిషన్‌పై విచారణ సందర్భంగా  బీసీఎఎస్ రాతపూర్వకంగా నివేదికను కోర్టుకు అందించింది.  శ్రీనివాస్ కు ఏరోడ్రమ్ ఎంట్రీ పర్మిట్ మాత్రమే ఉందని ఆ నివేదిక తేల్చింది. కానీ, నిబంధనలను పట్టించుకోకుండా శ్రీనివాస్ ఎయిర్‌పోర్ట్ యధేచ్ఛగా తిరిగేవాడని ఈ నివేదిక తేల్చి చెప్పింది.

నిబంధనలను శ్రీనివాస్ పట్టించుకోలేదని  ఈ నివేదికను బట్టి అర్ధమౌతోంది. అయితే  నిబంధనలకు విరుద్దంగా శ్రీనివాస్ తిరుగుతున్నా ఎందుకు అధికారులు చర్యలు తీసుకోలేదనే ప్రశ్న ఉత్నన్నమౌతోంది.

బీసీఎఎస్ నిబంధనలను శ్రీనివాస్ పట్టించుకోలేదన్నారు. ఎంట్రీ గడువు ముగిసినా రెన్యూవల్ చేసుకోలేదని  ఈ నివేదిక స్పష్టం చేస్తోంది. మరోవైపు  ఎయిర్‌పోర్ట్ డైరెక్టర్ జోన్ ఢీ వరకు మాత్రమే అనుమతి ఉన్నా చెక్ వరకు శ్రీనివాస్ వెళ్లినట్టు వెళ్లాడు.

కాఫీ డే యజమాని హర్షవర్ధన్‌కూ ఎలాంటి బీసీఎఎస్ నుండి అనుమతిలేదన్నారు. నిబంధన,లు ఉల్లంఘించి ఎయిర్‌పోర్ట్‌లో శ్రీనివాస్ తిరిగాడని  ఈ నివేదిక స్పష్టం చేసింది.

సంబంధిత వార్తలు