Andhra Pradesh

జగన్‌పై దాడి: సీసీకెమెరాల వైఫల్యంపై హైకోర్టు ఆగ్రహం

By narsimha lodeFirst Published Nov 13, 2018, 12:46 PM IST

Highlights

: వైసీపీ చీఫ్ వైఎస్ జగన్‌పై దాడి కేసు ఘటనలో విచారణ నివేదికను ఏపీ రాష్ట్ర అడ్వకేట్ జనరల్ హైకోర్టుకు మంగళవారం నాడు సమర్పించారు.

హైదరాబాద్: వైసీపీ చీఫ్ వైఎస్ జగన్‌పై దాడి కేసు ఘటనలో విచారణ నివేదికను ఏపీ రాష్ట్ర అడ్వకేట్ జనరల్ హైకోర్టుకు మంగళవారం నాడు సమర్పించారు.

వైసీపీ చీఫ్ వైఎస్ జగన్‌పై వైజగ్ ఎయిర్‌పోర్ట్‌లో ఈ ఏడాది అక్టోబర్ 25వ, తేదీన శ్రీనివాసరావు అనే యువకుడు కత్తితో దాడికి పాల్పడ్డాడు.ఈ దాడి ఘటనపై వైసీపీ చీఫ్ వైఎస్ జగన్ దాఖలు చేసిన పిటిషన్‌‌పై హైకోర్టు విచారణ చేపట్టింది. ఈ కేసు విచారణలో భాగంగా మంగళవారం నాడు హైకోర్టు విచారణ చేసింది.

విశాఖ ఎయిర్‌పోర్ట్‌లో సీసీటీవీ పుటేజీ వివరాల గురించి హైకోర్టు ప్రశ్నించింది. మూడు నెలలుగా సీసీటీవి పుటేజీ లేదని సిట్ అధికారులు హైకోర్టుకు తేల్చి చెప్పారు. అంతేకాదు సిట్ దర్యాప్తు వివరాలను సిట్ అధికారులు సీల్డ్ కవర్లో సమర్పించారు.

సీసీటీవీ కెమెరాలు ఎవరి ఆధీనంలో ఉంటాయనే విషయాన్ని అధికారులు హైకోర్టుకు సరిగా చెప్పలేకపోయారు. విశాఖ ఎయిర్‌పోర్ట్‌లో భద్రతా లోపాలను క్షమించరానివని హైకోర్టు అభిప్రాయపడింది.

థర్డ్ పార్టీ విచారణను జరిపిస్తే ఈ ఘటనకు ఎవరు పాల్పడిందనే విషయం తేలుతోందని జగన్ తరపు న్యాయవాది చెప్పారు.విశాఖలో భద్రత లోపాలకు ఎవరు బాధ్యులు ఎవరని కూడ హైకోర్టు ఒకానొక దశలో తీవ్ర వ్యాఖ్యలు చేసింది.

జగన్‌పై దాడి: సీసీకెమెరాల వైఫల్యంపై హైకోర్టు ఆగ్రహం

Related Posts