దిగొచ్చిన సీపీఐ: మూడు సీట్లు, రెండు ఎమ్మెల్సీలకు సర్ధుబాటు

ప్రజాకూటమి( మహాకూటమి)లో భాగస్వామ్యపార్టీల మధ్య సీట్ల సర్దుబాటు కొలిక్కి వచ్చింది. మూడు అసెంబ్లీ, రెండు ఎమ్మెల్సీ స్థానాలను సీపీఐకు ఇచ్చేందుకు కాంగ్రెస్ పార్టీ అంగీకరించింది.

cpi ready to contest in three assembly seats

narsimha lode

Hyderabad, First Published Nov 13, 2018, 2:50 PM IST

హైదరాబాద్: ప్రజాకూటమి( మహాకూటమి)లో భాగస్వామ్యపార్టీల మధ్య సీట్ల సర్దుబాటు కొలిక్కి వచ్చింది. మూడు అసెంబ్లీ, రెండు ఎమ్మెల్సీ స్థానాలను సీపీఐకు ఇచ్చేందుకు కాంగ్రెస్ పార్టీ అంగీకరించింది. కాంగ్రెస్, సీపీఐ జాతీయ నాయకత్వాల మధ్య కుదిరిన ఒప్పందాల నేపథ్యంలో మూడు సీట్లలోనే పోటీతో సీపీఐ రాష్ట్ర నాయకత్వం సంతృప్తి పడాల్సిన పరిస్థితులు నెలకొన్నాయి.

ప్రజాకూటమిలో సీట్ల సర్దుబాటు విషయమై సీపీఐ రాష్ట్ర కార్యదర్శివర్గ సభ్యులు సోమవారం నాడు ఢిల్లీకి వెళ్లారు. సీపీఐ జాతీయ నేతలు సోమవారం నాడు ఢిల్లీలో కాంగ్రెస్ పార్టీ జాతీయనాయకత్వంతో చర్చించారు. మూడు అసెంబ్లీ, రెండు ఎమ్మెల్సీ స్థానాలను సీపీఐకు ఇచ్చేందుకు కాంగ్రెస్ పార్టీ నాయకత్వం సానుకూలంగా స్పందించింది.

ఈ విషయమై సీపీఐ రాష్ట్ర కార్యదర్శివర్గం, సీపీఐ రాష్ట్ర కార్యవర్గం మంగళవారం నాడు హైద్రాబాద్‌లో సమావేశమైంది. కాంగ్రెస్ పార్టీ ప్రతిపాదనపై చర్చించింది. దేశంలో నెలకొన్న రాజకీయపరిస్థితుల నేపథ్యంలో తెలంగాణలో మహాకూటమి విచ్ఛిన్నం కాకుండా ఉండాలనే ఉద్దేశ్యంతో సీపీఐ నేతలు కూడ కొంత దిగి రావాల్సి వచ్చింది.

కాంగ్రెస్ పార్టీ ఇస్తానన్న మూడు స్థానాల్లో పోటీకి సీపీఐ రెడీ చెప్పింది. బెల్లంపల్లి, వైరా, హుస్నాబాద్ స్థానాల్లో పోటీ చేయనున్నట్టు ఆ పార్టీ ప్రకటించింది. బెల్లంపల్లి, వైరా, హుస్నాబాద్ స్థానాల్లో సీపీఐ పోటీ చేయనుంది.

హుస్నాబాద్‌ నుండి సీపీఐ తెలంగాణ రాష్ట్ర సమితి కార్యదర్శి చాడ వెంకట్ రెడ్డి పోటీ చేస్తారు. బెల్లంపల్లిలో సీపీఐ నేతల మధ్య పోటీ నెలకొంది. గుండా మల్లేష్‌ పోటీ చేసేందుకు ఆసక్తి చూపడంతో ఆయనకు వ్యతిరేకంగా సీపీఐ జిల్లా కార్యవర్గం తీర్మానం చేసింది. సీపీఐ జిల్లా నేతలు మల్లేష్ పోటీ చేయడాన్ని వ్యతిరేకిస్తున్నారు. ఈ పరిస్థితుల నేపథ్యంలో బెల్లంపల్లి నుండి ఎవరిని బరిలోకి దింపుతారనేది ఆసక్తిగా మారింది. వైరా నుండి విజయను బరిలోకి దింపే అవకాశం లేకపోలేదు.

కూటమిలోని భాగస్వామ్య పార్టీల మధ్య స్నేహాపూర్వక పోటీ, రెబెల్స్ బెడద ఉండకూడదని సీపీఐ కోరుకొంటుంది. నల్గొండ జిల్లాలోని దేవరకొండ లేదా మునుగోడు స్థానాల్లో ఏదో ఒకటి కాంగ్రెస్ పార్టీ తమకు కేటాయిస్తోందోననే ఆశతో సీపీఐ రాష్ట్ర నాయకులు ఉన్నారు.

ఈ మూడు స్థానాల్లో పోటీ చేసే అభ్యర్థుల జాబితాను నవంబర్ 14వ తేదీన అధికారికంగా ప్రకటించనున్నట్టు సీపీఐ రాష్ట్ర సమితి కార్యదర్శి చాడ వెంకట్ రెడ్డి ప్రకటించారు.

సంబంధిత వార్తలు

కొత్తగూడెం అభ్యర్థిని ప్రకటించిన కాంగ్రెస్...సీపీఐ తాడోపేడో

సీట్ల లొల్లి: ఢిల్లీకి సీపీఐ నేతలు, కాంగ్రెస్ తేల్చేనా?

తెలంగాణ అసెంబ్లీ ఎన్నికలు: టీడీపీ అభ్యర్థులు వీరే

సీట్ల లొల్లి: టీడీపీ పోటీచేసే సీట్లివే, నాలుగు సీట్లపై కుదరని ఏకాభిప్రాయం

కొలిక్కిరాని సీట్ల సర్దుబాటు: రాహుల్‌గాంధీ అసహనం

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

మహాకూటమిలోనే ఉంటాం, విడిపోం:చాడ

మహాకూటమిలో అలజడి...ఆ సీట్ల కోసం సిపిఐ పట్టు

ప్రచారం చెయ్యాల్సిన సమయం, సాగదీత వద్దు:కోదండరామ్

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ