సీట్ల లొల్లి: ఢిల్లీకి సీపీఐ నేతలు, కాంగ్రెస్ తేల్చేనా?

ప్రజాకూటమి(మహాకూటమి) సీట్ల సర్దుబాటు విషయమై తాడో పేడో తేల్చుకొనేందుకు సీపీఐ నేతలు సోమవారం నాడు ఢిల్లీకి వెళ్లారు.కాంగ్రెస్ పార్టీ అధిష్టానంతోనే సీపీఐ నేతలు సీట్ల విషయాన్ని తేల్చుకోనున్నారు.

Telangana cpi state secretary chada venkat reddy plans to meet congress key leaders in delhi

narsimha lode

Hyderabad, First Published Nov 12, 2018, 1:38 PM IST

హైదరాబాద్: ప్రజాకూటమి(మహాకూటమి) సీట్ల సర్దుబాటు విషయమై తాడో పేడో తేల్చుకొనేందుకు సీపీఐ నేతలు సోమవారం నాడు ఢిల్లీకి వెళ్లారు.కాంగ్రెస్ పార్టీ అధిష్టానంతోనే సీపీఐ నేతలు సీట్ల విషయాన్ని తేల్చుకోనున్నారు.

తెలంగాణలో టీఆర్ఎస్‌ను గద్దె దించేందుకుగాను కాంగ్రెస్, సీపీఐ, టీడీపీ, టీజేఎస్‌లు ప్రజా కూటమి‌గా ఏర్పడ్డాయి. అయితే టీడీపీకి 14, సీపీఐ3, టీజేఎస్‌కు 8 స్థానాలను, తెలంగాణ ఇంటి పార్టీకి ఒక్క స్థానాన్ని కేటాయించింది.

అయితే సీపీఐ, టీజేఎస్‌ల సీట్ల సర్దుబాటు విషయంలో కాంగ్రెస్ పార్టీ తో ఈ రెండు పార్టీల మధ్య ఇంకా ఏకాభిప్రాయం కుదరలేదు. టీడీపీకి కూడ నాలుగు స్థానాల విషయంలో కూడ స్పష్టత రావాల్సి ఉంది.

సీపీఐ కూడ సీట్ల విషయంలో కూడ కాంగ్రెస్ తీరుపై అసంతృప్తితో ఉంది. కనీసం 5 స్థానాలను ఇవ్వాలని సీపీఐ ప్రతిపాదిస్తోంది. తాము పోటీచేసే 5 స్థానాలను కూడ సీపీఐ ఇప్పటికే ప్రకటించింది.

బెల్లంపల్లి, వైరా,హుస్నాబాద్,కొత్తగూడెం, మునుగోడు లేదా దేవరకొండ స్థానాలను సీపీఐ కోరుతోంది.కానీ బెల్లంపల్లి,వైరా, హుస్నాబాద్ స్థానాలను సీపీఐకు కేటాయించేందుకు కాంగ్రెస్ సానుకూలంగా ఉంది.

సీపీఐ మాత్రం కొత్తగూడెం సీటు ఇచ్చేందుకు మాత్రం ససేమిరా అంటోంది. ఈ పరిస్థితుల నేపథ్యంలో సీట్ల సర్దుబాటును ఇంకా ఫైనల్ చేయకపోవడంపై కాంగ్రెస్ పార్టీ చీఫ్ రాహుల్‌గాంధీ తీవ్ర అసహనం వ్యక్తం చేసినట్టు సమాచారం.

ఈ తరుణంలో సీపీఐ రాష్ట్ర కార్యదర్శి చాడ వెంకట్ రెడ్డి, ఆ పార్టీ రాష్ట్ర కార్యదర్శివర్గసభ్యులు పల్లా వెంకట్ రెడ్డి, కూనంనేని సాంబశివరావులు సోమవారం నాడు ఢిల్లీకి వెళ్లారు.

సీట్ల సర్ధుబాటు విషయాన్ని కాంగ్రెస్ పార్టీ నాయకత్వంతో తేల్చుకోనున్నారు.టీజేఎస్, సీపీఐ, టీడీపీలతో సీట్ల సర్దుబాటు విషయాన్ని కాంగ్రెస్ పార్టీ చీఫ్ రాహుల్‌గాంధీతో ఉత్తమ్ కుమార్ రెడ్డి, కుంతియా వివరించారు.

సంబంధిత వార్తలు

తెలంగాణ అసెంబ్లీ ఎన్నికలు: టీడీపీ అభ్యర్థులు వీరే

సీట్ల లొల్లి: టీడీపీ పోటీచేసే సీట్లివే, నాలుగు సీట్లపై కుదరని ఏకాభిప్రాయం

కొలిక్కిరాని సీట్ల సర్దుబాటు: రాహుల్‌గాంధీ అసహనం

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

మహాకూటమిలోనే ఉంటాం, విడిపోం:చాడ

మహాకూటమిలో అలజడి...ఆ సీట్ల కోసం సిపిఐ పట్టు

ప్రచారం చెయ్యాల్సిన సమయం, సాగదీత వద్దు:కోదండరామ్

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ

సీట్ల లొల్లి: కాంగ్రెస్‌పై సీపీఐ అసంతృప్తి, ఇక తాడోపేడో

సీపీఐకి మూడు సీట్లకు కాంగ్రెస్ ఒకే: మగ్ధూంభవన్‌కు కోదండరామ్