సీట్ల లొల్లి: టీడీపీ పోటీచేసే సీట్లివే, నాలుగు సీట్లపై కుదరని ఏకాభిప్రాయం

ప్రజా కూటమి (మహాకూటమి) సీట్ల సర్దుబాటు విషయంలో కాంగ్రెస్, టీడీపీ మధ్య ఇంకా 4 సీట్ల విషయంలో ఏకాభిప్రాయం కుదరలేదు.

Telangana assembly elections: here is tdp contesting seats list

Hyderabad, First Published Nov 12, 2018, 11:37 AM IST

హైదరాబాద్: ప్రజా కూటమి (మహాకూటమి) సీట్ల సర్దుబాటు విషయంలో కాంగ్రెస్, టీడీపీ మధ్య ఇంకా 4 సీట్ల విషయంలో ఏకాభిప్రాయం కుదరలేదు. ఏకాభిప్రాయం కుదరకపోతే తెలుగు తమ్ముళ్లు రెబెల్స్‌గా బరిలోకి దిగేందుకు రంగం సిద్దం చేసుకొంటున్నారు.

ప్రజా కూటమి( మహా కూటమి)లో భాగస్వామిగా ఉన్న టీడీపీకి 14 అసెంబ్లీ స్థానాలను కేటాయించింది కాంగ్రెస్. అయితే ఈ 14 స్థానాల్లో 10 స్థానాల విషయంలో రెండు పార్టీల మధ్య ఏకాభిప్రాయం కుదిరింది. ఇంకా నాలుగు స్థానాల విషయంలో రెండు పార్టీల మధ్య ఏకాభిప్రాయం కుదరలేదు.ఈ పది స్థానాల విషయంలో టీడీపీ అభ్యర్థులకు ఆ పార్టీ రాష్ట్ర నాయకత్వం గ్రీన్‌సిగ్నల్ ఇచ్చింది.

సత్తుపల్లి, ఖమ్మం, ఆశ్వరావుపేట, కూకట్‌పల్లి, శేరిలింగంపల్లి, మక్తల్, మహాబూబ్ నగర్‌, రాజేంద్రనగర్, వరంగల్ వెస్ట్ స్థానాల విషయంలో రెండు పార్టీల మధ్య ఏకాభిప్రాయం కుదిరినట్టు సమాచారం. ఎల్‌బీ‌నగర్‌, ఆలేరు, కోదాడ, పటాన్‌చెరువు స్థానాల విషయంలో రెండు పార్టీల మధ్య ఏకాభిప్రాయం కుదరడం లేదు.

సనత్‌నగర్, జూబ్లీహిల్స్, ఎల్బీ,నగర్ స్థానాలను టీడీపీ డిమాండ్ చేస్తోంది. సనత్‌నగర్ స్థానానికి బదులుగా సికింద్రాబాద్, జూబ్లీహిల్స్‌కు బదులుగా ఖైరతాబాద్, ఎల్బీనగర్ కు బదులుగా ఇబ్రహీంపట్నం స్థానాన్ని ఇవ్వనున్నట్టు కాంగ్రెస్ పార్టీ నాయకత్వం టీడీపీకి సమాచారం ఇచ్చినట్టు సమాచారం.

కోదాడలో టీపీసీసీ చీఫ్ ఉత్తమ్ కుమార్ రెడ్డి సతీమణి పద్మావతి సిట్టింగ్ ఎమ్మెల్యేగా ఉన్నారు. అయితే గత ఎన్నికల్లో టీడీపీ అభ్యర్థి బొల్లం మల్లయ్య యాదవ్ పై ఉత్తమ్ భార్య విజయం సాధించారు.

అయితే సిట్టింగ్ స్థానాన్ని కాంగ్రెస్ వదులుకొంటుందా అనేది ప్రస్తుతం చర్చనీయాంశంగా మారింది. మరోవైపు ఎల్బీనగర్ స్థానం నుండి గత ఎన్నికల్లో టీడీపీ అభ్యర్ధిగా ఆర్ కృష్ణయ్య విజయం సాధించారు.

ఈ స్థానం కోసం టీడీపీ నేత సామ రంగారెడ్డి పట్టుబడుతున్నారు. ఒక్కరోజు సామ రంగారెడ్డి ఎన్టీఆర్ ట్రస్ట్ భవన్ ఎదుట ధర్నాకు దిగారు. సిట్టింగ్ స్థానాన్ని కాంగ్రెస్ కు ఎలా వదిలేస్తారని ఆయన ప్రశ్నిస్తున్నారు.ఆలేరు నుండి తాను అవసరమైతే ఇండిపెండెంట్‌గా బరిలో దిగుతానని తెలుగు మహిళా అధ్యక్షురాలు బండ్రు శోభారాణి పార్టీ నాయకత్వానికి తేల్చి చెప్పినట్టు సమాచారం.

పటాన్‌చెరువు నుండి ఇటీవలనే పార్టీలో చేరిన నందీశ్వర్ గౌడ్ టీడీపీ టికెట్టు ఆశిస్తున్నారు. పటాన్‌చెరువు సీటును కాంగ్రెస్ పార్టీ టీడీపీకి కేటాయిస్తోందా అనేది ఇంకా స్పష్టత రావాల్సి ఉంది.

సంబంధిత వార్తలు

కొలిక్కిరాని సీట్ల సర్దుబాటు: రాహుల్‌గాంధీ అసహనం

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

మహాకూటమిలోనే ఉంటాం, విడిపోం:చాడ

మహాకూటమిలో అలజడి...ఆ సీట్ల కోసం సిపిఐ పట్టు

ప్రచారం చెయ్యాల్సిన సమయం, సాగదీత వద్దు:కోదండరామ్

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ

సీట్ల లొల్లి: కాంగ్రెస్‌పై సీపీఐ అసంతృప్తి, ఇక తాడోపేడో

సీపీఐకి మూడు సీట్లకు కాంగ్రెస్ ఒకే: మగ్ధూంభవన్‌కు కోదండరామ్

టీజేఎస్‌కు కాంగ్రెస్ 11 సీట్ల మెలిక: కుదరదన్న కోదండరామ్

కాంగ్రెస్, సీపీఐ మధ్య పొత్తు: ఆ ఒక్క సీటు వద్దే ప్రతిష్టంభన