ముగిసిన శ్రీనివాసరావు కస్టడి గడువు, ఎన్ఐఏ ఛార్జిషీట్‌లో ఏముంది..?

ఆంధ్రప్రదేశ్ ప్రతిపక్షనేత, వైసీపీ నేత వైఎస్ జగన్మోహన్ రెడ్డిపై విశాఖ విమానాశ్రయంలో జరిగిన దాడికి సంబంధించి జాతీయ దర్యాప్తు సంస్థ (ఎన్ఐఏ) దాఖలు చేసిన ఛార్జిషీటును న్యాయస్థానం ఇవాళ పరిశీలించనుంది.

కేసులో విచారణకు సంబంధించిన నిందితుడు శ్రీనివాసరావు కస్టడీ గడువు ముగియనుండటంతో అతనిని ఇవాళ కోర్టులో హాజరుపరచనున్నారు. శ్రీనివాసరావుకు వ్యక్తిగతంగానే ఇదంతా చేశాడా..? లేక ఇందులో ఏమైనా కుట్ర కోణం దాగుందా అన్న అంశాలపై క్లారిటీ రానుంది.

జగన్‌పై దాడికి సంబంధించి మూడు రోజుల క్రితం ఎన్ఐఏ బెజవాడ కోర్టులో ఛార్జిషీట్ దాఖలు చేసింది. ఇందులో ఏ1 నిందితుడిగా శ్రీనివాసరావును పేర్కొంది. ఇది ప్రిలీమినరి ఛార్జిషీటా లేక ఫైనల్ ఛార్జిషీటా.. విచారణ ఇంకా కొనసాగుతుందా అన్నది నేడు తేలిపోనుంది. దీంతో ఛార్జిషీటులో ఏముందన్న దానిపై రాష్ట్ర ప్రజలతో పాటు రాజకీయ వర్గాలు ఉత్కంఠగా ఎదురుచూస్తున్నాయి.