జగన్‌పై దాడి కేసు: ఎన్ఐఎకు ట్విస్ట్ ఇచ్చిన ఎపి పోలీసులు

ఆంధ్రప్రదేశ్ ప్రతిపక్షనేత, వైసీపీ అధినేత వైఎస్ జగన్మోహన్ రెడ్డిపై విశాఖ విమానాశ్రయంలో జరిగిన దాడి కేసులో దర్యాప్తు సంస్థల మధ్య యుద్ధం నడుస్తోంది. ఈ కేసుకు సంబంధించిన విచారణను సిట్‌ను నుంచి తప్పించిన హైకోర్టు జాతీయ దర్యాప్తు సంస్థకు అప్పగించింది

ఆంధ్రప్రదేశ్ ప్రతిపక్షనేత, వైసీపీ అధినేత వైఎస్ జగన్మోహన్ రెడ్డిపై విశాఖ విమానాశ్రయంలో జరిగిన దాడి కేసులో దర్యాప్తు సంస్థల మధ్య యుద్ధం నడుస్తోంది. ఈ కేసుకు సంబంధించిన విచారణను సిట్‌ను నుంచి తప్పించిన హైకోర్టు జాతీయ దర్యాప్తు సంస్థ (ఎన్ఐఎ)కి అప్పగించింది.

అయితే తమకు ఏపీ పోలీసులు సహకరించడం లేదని.. ఆధారాలు, రికార్డులు, ఇతర పత్రాలను ఇవ్వడంలేదంటూ ఎన్‌ఐఏ హైకోర్టులో పిటిషన్ వేసింది. దీనిని విచారించిన ధర్మాసనం తక్షణం ఎన్‌ఐఏకు అప్పగించాలని ఈ నెల 19న సిట్‌ను ఆదేశించింది.

అయితే కేసుకు సంబంధించిన కీలక డాక్యుమెంట్లను ఎన్ఐఏకు ఇవ్వడం కుదరదంటూ సిట్ బుధవారం హైకోర్టులో పిటిషన్ దాఖలు చేసింది. జగన్‌పై దాడి కేసు నుంచి ఎన్ఐఏను తప్పించాలంటూ ఏపీ ప్రభుత్వం కూడా పిటిషన్ వేయడం, అది ఇంకా పెండింగ్‌లో ఉన్నందున డాక్యుమెంట్లు ఇవ్వలేమని సిట్ పిటిషన్‌లో పేర్కొంది. దీంతో ఈ కేసులో ఏం జరుగుతుందోనని రాజకీయ వర్గాల్లో ఉత్కంఠ నెలకొంది.