సుహాసిని కోసం జూ.ఎన్టీఆర్: ప్రచారానికి బాలయ్య, విజయశాంతి జోడి

By narsimha lode | First Published Nov 15, 2018, 5:47 PM IST

తెలంగాణ అసెంబ్లీ ఎన్నికల్లో సినీ నటుడు, హిందూపురం ఎమ్మెల్యే బాలకృష్ణ ప్రచారంలోకి దిగనున్నారు

హైదరాబాద్: తెలంగాణ అసెంబ్లీ ఎన్నికల్లో సినీ నటుడు, హిందూపురం ఎమ్మెల్యే బాలకృష్ణ ప్రచారంలోకి దిగనున్నారు.ఎన్టీఆర్ బయోపిక్ సినిమా నిర్మాణంలో బీజీగా ఉన్న బాలయ్యను తెలంగాణ టీడీపీ నేతలు తెలంగాణలో ప్రచారంలో చేయాలని ఇదివరకే కోరారు. ఈ ఆహ్వానం మేరకు ఈ నెల 24వ తేదీ నుండి బాలయ్య ప్రచారం చేయనున్నారు.

తెలంగాణ ఎన్నికల్లో పోటీ చేస్తున్న టీడీపీ అభ్యర్థుల తరపున బాలకృష్ణ ప్రచారానికి రెడీ అయ్యారు.ఎన్టీఆర్ బయోపిక్ సినిమాను బాలకృష్ణ నిర్మిస్తున్నారు. వచ్చే ఏడాది జనవరిలో ఈ సినిమాను విడుదల చేసేందుకు బాలయ్య ప్లాన్ చేస్తున్నారు.ఈ తరుణంలో ఈ సినిమా షూటింగ్ లో ఆయన బీజీగా ఉన్నారు. అయితే సినిమా షూటింగ్ షెడ్యూల్ ను అడ్జెస్ట్ చేసుకొని తెలంగాణ ఎన్నికల్లో ఈ నెల 24వ తేదీ నుండి బాలకృష్ణ ప్రచారం నిర్వహించనున్నారు.

Latest Videos

ఏఏ నియోజకవర్గాల్లో బాలకృష్ణ ప్రచారం నిర్వహిస్తారనే విషయమై ఇంకా స్పష్టత రావాల్సి ఉంది. తన సోదరుడు హరికృష్ణ కూతురు సుహాసిని కూకట్ పల్లి నుండి బరిలోకి దిగుతోంది. కూకట్ పల్లి నుండి బాలయ్య ప్రచారాన్ని నిర్వహిస్తారా... లేక మరే ఇతర నియోజకవర్గం నుండి ప్రచారాన్ని ప్రారంభిస్తారేనే విషయమై రెండు రోజుల్లో స్పష్టత వచ్చే అవకాశం ఉంది.

తెలంగాణ టీడీపీ నేతలు బాలయ్య ప్రచారానికి సంబంధించి రూట్ మ్యాప్ ను తయారు చేస్తున్నారు. కాంగ్రెస్ పార్టీ తరపున ఇప్పటికే లేడీ అమితాబ్ గా పేరొందిన విజయశాంతి ప్రచారం నిర్వహిస్తున్నారు. టీడీపీ అభ్యర్థుల తరపున బాలయ్య ప్రచారం చేస్తే ప్రజా కూటమి(మహాకూటమి) అభ్యర్థుల తరపున సినీ గ్లామర్ మరింత పెరగనుంది.

కూకట్‌పల్లిలో సుహాసిని తరపున జూనియర్ ఎన్టీఆర్, కళ్యాణ్ రామ్ కూడ ప్రచారం చేసే అవకాశాలు కూడ కొట్టిపారేయలేమని టీడీపీ వర్గాలు చెబుతున్నాయి. కాంగ్రెస్ పార్టీలోనే చిరంజీవి ప్రత్యక్ష రాజకీయాలకు కొంత దూరంగా ఉంటున్నారు. గతంలో ఖమ్మం జిల్లాలో బాలయ్య విస్తృతంగా ప్రచారం నిర్వహించిన విషయం తెలిసిందే.

సుహాసిని కోసం జూ.ఎన్టీఆర్: ప్రచారానికి బాలయ్య, విజయశాంతి జోడి

Latest Videos

Related Posts

Recent articles

Recent videos