జగన్‌పై దాడి: విజయమ్మ అనుమానాలివే

జగన్‌పై దాడి జరిగి 15 రోజులు దాటుతున్నా కేసు విచారణలో ఎలాంటి పురోగతి లేదని వైసీపీ గౌరవాధ్యక్షురాలు విజయమ్మ ఆరోపించారు

హైదరాబాద్:జగన్‌పై దాడి జరిగి 15 రోజులు దాటుతున్నా కేసు విచారణలో ఎలాంటి పురోగతి లేదని వైసీపీ గౌరవాధ్యక్షురాలు విజయమ్మ ఆరోపించారు. రోజుకో రకంగా  ఈ కేసు విషయమై ప్రభుత్వ పెద్దలు మాట్లాడుతున్నారని ఆమె గుర్తు చేశారు.

హైద్రాబాద్ లో ఆదివారం నాడు ఆమె మీడియాతో మాట్లాడారు. జగన్ ‌పై దాడి జరిగి 15 రోజులౌతోన్నా ఈ కేసులో పురోగతి ఏమీ లేదని విజయమ్మ విమర్శించారు.
జగన్‌ కు అయిన గాయం ఎంత లోతుంది, చిన్న గాయమే కదా... చిన్న కత్తే  అంటూ ప్రభుత్వ పెద్దలు మాట్లాడుతున్నారని విజయమ్మ చెప్పారు. 

డీజీపీ, సీఎం, మంత్రులు కూడ ఇదే రకంగా మాట్లాడుతున్నారని విజయమ్మ  అభిప్రాయపడ్డారు. అన్నీ అసత్య మాటలను, ప్రకటనలను చేస్తున్నారన్నారు. రోజుకో మాట, పూటకో సాక్ష్యాన్ని చూపుతున్నారని ఆమె  ఆరోపించారు.

ఎయిర్‌పోర్ట్ వీఐపీ లాంజ్‌లో సెక్యూరిటీ లేకపోతే ఇంకా ఎక్కడ సెక్యూరిటీ ఉంటుందని ఆమె ప్రశ్నించారు.ప్రతిపక్ష నేతకు సెక్యూరిటీ ఇవ్వకపోతే ఎవరికీ సెక్యూరిటీ కల్పిస్తారని ఆమె ప్రశ్నించారు. చంద్రబాబునాయుడు విపక్ష నేతగా ఉన్నప్పటి నుండి సీఎం అయ్యాక కూడ ఎందుకు కేంద్ర భద్రతను కొనసాగించుకొంటున్నారని ఆమె ప్రశ్నించారు.

ఎయిర్‌పోర్ట్‌లోకి నెయిల్ కట్టర్, కత్తెర, గుండుసూది లాంటి వాటిని కూడ అనుమతించరని ఆమె చెప్పారు. కానీ, కత్తిని ఎలా తీసుకొచ్చారో చెప్పాలన్నారు. ఎవరీ ప్రోద్భలం వల్ల ఈ దాడి జరిగిందనే దిశగా దర్యాప్తు జరగలేదని ఆమె ఆరోపించారు. రెస్టారెంట్ ఓనర్ విచారణ నామమాత్రంగా చేసి వదిలేశారని విజయమ్మ ఆరోపించారు.

జగన్‌పై దాడి జరిగిన వెంటనే  డీజీపీ మీడియా ముందుకు వచ్చి చిన్న గాయమే జగన్ కు అయిందని చెప్పారని ఆమె గుర్తు చేశారు. ఎలాంటి విచారణ లేకుండానే వైసీపీ అభిమానే ఈ దాడికి పాల్పడ్డాడని డీజీపీ ఎలా చెబుతారని ఆమె ప్రశ్నించారు.

థర్ట్ పార్టీ ఎంక్వైరీ ఎందుకు అవసరం లేదని చంద్రబాబునాయుడు ఎలా చెబుతారని ప్రశ్నించారు. అలిపిరిలో మీపై దాడి జరిగిన సమయంలో వైఎస్ఆర్ మీ వద్దకు వచ్చి మిమ్మల్ని పరామర్శించారని చెప్పారు.

పరిటాల రవి హత్య జరిగిన సమయంలో అసెంబ్లీలో నానాయాగీ చేస్తే  కన్న కొడుకు అని కూడ చూడకుండా ఎంక్వైరీ వేయించిన చరిత్ర వైఎస్ రాజశేఖర్ రెడ్డిదని ఆమె గుుర్తు చేశారు.

రోజుకో ఫ్లెక్సీ సృష్టిస్తారని విజయమ్మ ప్రశ్నించారు. విశాఖ ఎయిర్ పోర్ట్ నుండే జగన్ చాలా కాలంగా వస్తున్నారని... కలిసిన రోజే శ్రీనివాసరావు గొంతుకు కత్తి పెడతారా ఆమె అనుమానాన్ని వ్యక్తం చేశారు. జగన్ పై దాడి చేసిన శ్రీనివాసరావు రాసినట్టుగా చెబుతున్న లేఖ పది గంటల తర్వాత ఎలా బయటకు వచ్చిందన్నారు. ఈ లేఖలు ఎందుకు మడతలు లేదన్నారు.

జగన్  కేసు దర్యాప్తు నిష్పక్షపాతంగా జరగాలని ఆమె డిమాండ్ చేశారు.ఈ కేసు విచారణను నిష్పక్షపాతంగా జరిపించాలని డిమాండ్ చేయాలని ఆమె ప్రజలను కోరారు.రాజశేఖర్ రెడ్డిని పోగోట్టుకొని మా కుటుంబం ఇంకా కోలుకోలేదన్నారు. మరోసారి వైఎస్ జగన్ పై దాడికి మరోసారి చేయించకూడదని ఆమె విన్నవించారు.

.జగన్ కు, వైఎస్ఆర్ కు నాటకాలు ఆడడం చేతకాదన్నారు. నమ్మిన వారికి ప్రాణం పెట్టడమే వచ్చన్నారు.ఏ విచారణ లేకుండా డీజీపీ, మంత్రులు మాట్లాడడం వెనుక ఆంతర్యం ఏమిటని ఆమె ప్రశ్నలు కురిపించారు.

సంబంధిత వార్తలు