జగన్‌ను ప్రజలే కాపాడుకొన్నారు: కన్నీళ్లు పెట్టుకొన్న విజయమ్మ

కత్తి దాడి నుండి వైఎస్ జగన్‌ కోలుకోవడం జగన్‌కు పునర్జన్మ అని  వైసీపీ గౌరవాధ్యక్షురాలు వైఎస్ విజయమ్మ అభిప్రాయపడ్డారు. 

హైదరాబాద్: కత్తి దాడి నుండి వైఎస్ జగన్‌ కోలుకోవడం జగన్‌కు పునర్జన్మ అని  వైసీపీ గౌరవాధ్యక్షురాలు వైఎస్ విజయమ్మ అభిప్రాయపడ్డారు. రాష్ట్ర ప్రజల సమస్యలపై జగన్ రాజీ లేని పోరాటం చేస్తున్నారని ఆమె చెప్పారు.

వైసీపీ గౌరవాధ్యక్షురాలు వైఎస్ విజయమ్మ ఆదివారం నాడు లోటస్ పాండ్‌లో  ఆమె మీడియాతో మాట్లాడారు.ప్రజలే జగన్ ను కాపాడుకొన్నారని ఆమె తెలిపారు.జగన్‌పై కత్తివల్ల కలిగిన గాయం చిన్నదని చెబుతున్నారు. వైఎస్ జగన్ అభిమాని దాడి చేస్తే ఈ కేసు విచారణ చేయరా అని ప్రశ్నించారా అని ఆమె ప్రశ్నించారు.

జనం మధ్యలో ఉన్న జగన్ ను ఏం చేయలేరని భావించి విశాఖ ఎయిర్ పోర్ట్‌ను  దాడి కోసం కేంద్రంగా ఎంచుకొన్నారని ఆమె అనుమానం వ్యక్తం చేశారు. జగన్ పై దాడి జరిగిన వెంటనే డీజీపీ, ఏపీ సీఎం వెంటనే  మాట్లాడడంపై ఆమె అనుమానాలను వ్యక్తం చేశారు.

 శ్రీనివాసరావు వైసీపీ అభిమానే అంటూ ఫ్లెక్సీ విషయాన్ని బయటకు తీసుకొచ్చారన్నారు. జగన్ పై దాడి ఘటనపై  థర్ట్‌పార్టీ ఎంక్వైరీ అవసరం లేదని చంద్రబాబునాయుడు ఎలా చెబుతారని ఆమె ప్రశ్నించారు.

దాడి జరిగిన వెంటనే జగన్ అభిమానే ఈ దాడికి పాల్పడ్డాడని డీజీపీ చెప్పడంలో ఆంతర్యమేమిటన్నారు. జగన్ కు అభిమాని అయితే గొంతుకు కత్తి పెడతారా అన్నారు. 

ప్రజల ప్రేమ వల్ల జగన్ 3 వేల  కి.మీ.పాదయాత్రను పూర్తి చేశారని ఆమె చెప్పారు. గుంటూరు, పశ్చిమగోదావరి జిల్లాలో పాదయాత్ర సాగుతున్న సమయంలోనే జగన్ ను అంతం చేయాలని ప్లాన్ చేసినట్టుగా తాను వింటున్నట్టు  ఆమె తెలిపారు.

చివరికి తన కోడలు భారతమ్మను కూడ ఈడీ కేసులో ఇరికించే కుట్ర జరిగిందని ఆమె ఆరోపించారు.ఒకాానొక దశలో విజయమ్మ భావోద్వేగానికి గురై కన్నీళ్లు పెట్టుకొన్నారు.

అసలు ఏం జరగనట్టుగా ప్రభుత్వం వ్యవహరిస్తోందని విజయమ్మ విమర్శించారు.

గొంతులో దిగాల్సిన కత్తి భుజానికి దిగడం వల్ల జగన్ కు ఇది పునర్జన్మగా తానను భావిస్తున్నట్టు చెప్పారు.  ఈ ఏడేళ్లలో ఎప్పుడూ జగన్ మా కుటుంబంతో ఎన్నడూ గడపడని సమయాన్ని కూడ ప్రజలతోనే జగన్ గడిపాడని ఆమె చెప్పారు. ఓదార్పుయాత్రలోనూ, సమైక్యాంధ్ర ఉద్యమంలో వచ్చిన జగన్ ను ప్రజలు అక్కున చేర్చుకొన్నారని ఆమె చెప్పారు.

ప్రస్తుతం పాదయాత్ర కూడ ప్రజల ఆదరాభిమానాలతో జగన్ 11 జిల్లాల్లో విజయవంతంగా పూర్తి చేశారని  విజయమ్మ గుర్తు చేశారు. వైఎస్ చనిపోయిన తర్వాత కూడ తమ కుటుంబంపై ఎన్నో కుట్రలు కుతంత్రాలు చేశారని ఆమె చెప్పారు. 35 ఏళ్లుగా కాంగ్రెస్ పార్టీకి వైఎస్ఆర్ అంకితభావంతో చేస్తే వైఎస్ పేరును కేసులో చేర్చారని విజయమ్మ విమర్శించారు.

కాంగ్రెస్, టీడీపీలు కలిసి జగన్ పై కేసులు బనాయించారని ఆమె ఆరోపించారు. ఎన్ని కష్టాలు పెట్టినా కూడ ప్రజల సమస్యలను పరిష్కరించేందుకు ప్రజల కోసం పాదయాత్ర చేస్తున్నారని విజయమ్మ తెలిపారు. ప్రజల నుండి జగన్ ను వేరు చేయలేరన్నారు.

సంబంధిత  వార్తలు

జగన్‌పై దాడి: విజయమ్మ అనుమానాలివే