సీట్ల చిచ్చు: టీడీపీపై బొల్లం మల్లయ్య తిరుగుబాటు (వీడియో)

కోదాడ అసెంబ్లీ నియోజకవర్గ టీడీపీ ఇంచార్జీ బొల్లం మల్లయ్య యాదవ్ ఇండిపెండెంట్‌గా పోటీకి రంగం సిద్దం చేసుకొంటున్నారు.

tdp leader bollam mallaiah yadav sensational comments on prajakutami

Kodad, First Published Nov 12, 2018, 4:32 PM IST

కోదాడ: కోదాడ అసెంబ్లీ నియోజకవర్గ టీడీపీ ఇంచార్జీ బొల్లం మల్లయ్య యాదవ్ ఇండిపెండెంట్‌గా పోటీకి రంగం సిద్దం చేసుకొంటున్నారు.ప్రజా కూటమి (మహాకూటమి)లో భాగస్వామ్య పార్టీల మధ్య సీట్ల సర్ధుబాటు ఆశావాహుల కొంప ముంచుతోంది. కోదాడ సీటును ఆశిస్తున్న బొల్లం మల్లయ్య యాదవ్ సోమవారం నాడు అనుచరులతో సమావేశమై నర్మగర్భ వ్యాఖ్యలు చేశారు.

2014 ఎన్నికల్లో టీడీపీ అభ్యర్థిగా బరిలోకి దిగిన బొల్లం మల్లయ్య యాదవ్‌పై కాంగ్రెస్ అభ్యర్థి పద్మావతి విజయం సాధించారు. అయితే ఎన్నికల్లో కాంగ్రెస్, టీడీపీలు కలిసి ప్రజా కూటమిగా బరిలోకి దిగుతున్నాయి. ఈ తరుణంలో సిట్టింగ్ స్థానం కాంగ్రెస్ పార్టీకి ఉంది. దీంతో ఈ స్థానం నుండి పోటీకి టీడీపీ గట్టిగా అడుగుతోంది. కానీ కోదాడ సీటును వదులుకొనేందుకు కాంగ్రెస్ సిద్దంగా లేదు.

ఈ తరుణంలో టీడీపీ నేత బొల్లం మల్లయ్య యాదవ్ అసంతృప్తిగా ఉన్నారు. నియోజకర్గానికి చెందిన టీడీపీ ముఖ్యులతో మల్లయ్యయాదవ్ సోమవారం నాడు సమావేశమయ్యారు. ఈ సమావేశంలో ఆయన సంచలన వ్యాఖ్యలు చేశారు.

ప్రజా కూటమిలో బలహీన వర్గాలకు చెందిన నేతల సీట్లను త్యాగం చేయాలని కోరుతున్నారన్నారు. పొత్తుల పేరుతో కాంగ్రెస్ నాయకులు టీడీపీకి అన్యాయం చేస్తున్నారని ఆయన ఆవేదన వ్యక్తం చేశారు. ఈ పొత్తులు టీడీపీని నాశనం చేసేందుకేనని ఆయన అభిప్రాయపడ్డారు. కాంగ్రెస్ పార్టీ గద్దెనెక్కుతోందన్నారు. రానున్న ఎన్నికల్లో తన భవిష్యత్ ప్రణాళికను ప్రకటించనున్నట్టు ఆయన తెలిపారు. మహాకూటమిలో బీసీలకు అన్యాయం జరుగుతోందన్నారు.

వచ్చే ఎన్నికల్లో కోదాడ సీటు టీడీపీకి దక్కకపోతే ఇండిపెండెంట్‌గా బొల్లం మల్లయ్య యాదవ్ బరిలోకి దిగే అవకాశం లేకపోలేదని ఆయన సన్నిహితులు చెబుతున్నారు. కోదాడ టీఆర్ఎస్ టికెట్టు ఇంకా ఫైనల్ చేయలేదు. ఒకవేళ టీఆర్ఎస్ టికెట్టు ఆఫర్ చేస్తే ఆ పార్టీలో చేరే అవకాశాన్ని కూడ కొట్టిపారేయలేమని రాజకీయ పరిశీలకులు భావిస్తున్నారు.

సంబంధిత వార్తలు

తెలంగాణ అసెంబ్లీ ఎన్నికలు: టీడీపీ అభ్యర్థులు వీరే

సీట్ల లొల్లి: టీడీపీ పోటీచేసే సీట్లివే, నాలుగు సీట్లపై కుదరని ఏకాభిప్రాయం

కొలిక్కిరాని సీట్ల సర్దుబాటు: రాహుల్‌గాంధీ అసహనం

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

మహాకూటమిలోనే ఉంటాం, విడిపోం:చాడ

మహాకూటమిలో అలజడి...ఆ సీట్ల కోసం సిపిఐ పట్టు

ప్రచారం చెయ్యాల్సిన సమయం, సాగదీత వద్దు:కోదండరామ్

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ

సీట్ల లొల్లి: కాంగ్రెస్‌పై సీపీఐ అసంతృప్తి, ఇక తాడోపేడో

సీపీఐకి మూడు సీట్లకు కాంగ్రెస్ ఒకే: మగ్ధూంభవన్‌కు కోదండరామ్