చంద్రబాబు ప్రతివాదిగా కోర్టులో పిటిషన్: జగన్ వాదన ఇదీ

విశాఖ ఎయిర్‌పోర్ట్‌లో అక్టోబర్ 25వ తేదీన శ్రీనివాసరావు అనే యువకుడు తనపై దాడికి పాల్పడడంపై వైసీపీ చీఫ్ వైఎస్ జగన్‌ బుధవారం నాడు హైకోర్టులో పిటిషన్ దాఖలు చేశారు.

ysrcp chief Ys Jagan files petition in high court: Here is jagan petition details

narsimha lode

Hyderabad, First Published Oct 31, 2018, 5:25 PM IST

హైదరాబాద్: విశాఖ ఎయిర్‌పోర్ట్‌లో అక్టోబర్ 25వ తేదీన శ్రీనివాసరావు అనే యువకుడు తనపై దాడికి పాల్పడడంపై వైసీపీ చీఫ్ వైఎస్ జగన్‌ బుధవారం నాడు హైకోర్టులో పిటిషన్ దాఖలు చేశారు. ఈ కేసులో ఏపీ సీఎం చంద్రబాబునాయుడుతో ప్రతివాదిగా చేర్చారు. ప్రజా సంకల్ఫయాత్రలో తనకు ప్రజల నుండి వస్తున్న ఆదరణను చూసి ఓర్వలేకనే ఈ దాడికి పాల్పడ్డారని వైసీపీ చీఫ్ అనుమానాన్ని వ్యక్తం చేశారు.ఈ పిటిషన్‌పై హైకోర్టులో గురువారం నాడు విచారణ జరగనుంది.

తనపై దాడి జరిగిన కొద్దిసేపటికే నిందితుడు శ్రీనివాసరావు ఫ్లెక్సీలు తీసుకురావడం.. ఏపీ సీఎం చంద్రబాబునాయుడు మీడియా సమావేశం ఏర్పాటు చేయడంపై జగన్ అనుమానాలను వ్యక్తం చేశారు.

ఈ కేసు విచారణను త్వరగా పూర్తి చేసేందుకు వీలుగా విశాఖ నార్త్‌జోన్ పోలీసులకు కేసును అప్పగించారని ఆయన అనుమానాలను వ్యక్తంచేశారు. ఏపీ పోలీసులపై నమ్మకం లేదన్నారు. అందుకే సిట్ బృందానికి తాను వాంగ్మూలం ఇవ్వలేదన్నారు. ఏపీ పోలీసులు తనకు పంపిన 160 సీఆర్‌‌పీసీ నోటీసును తీసుకోలేదని జగన్ స్పష్టం చేశారు.థర్ట్‌పార్టీ విచారణ చేయించాలని, ఏపీ పోలీసుల విచారణపై తనకు నమ్మకం లేదని ఆయన కోరారు.

అక్టోబర్‌ 25న ఇద్దరు భద్రతా సిబ్బందితో విశాఖ ఎయిర్‌పోర్టుకు తాను వచ్చానని, విమానాశ్రయం లాంజ్‌లో కూర్చుని ఉండగా రెస్టారెంట్‌లో పనిచేసే ఓ వ్యక్తి సెల్ఫీ తీసుకుంటానంటూ దగ్గరికి వచ్చి.. తనపై దాడి చేయబోయాడని వైఎస్‌ జగన్‌ వెల్లడించారు.

పదునైన కత్తితో దుండగుడు తనపై దాడి చేశాడని, ఈ దాడి నుంచి తాను త్రుటిలో తప్పించుకున్నానని, తాను కిందికి వంగడంతో గొంతుకు తగలాల్సిన కత్తి భుజంలోకి గుచ్చుకుందని, దీంతో ప్రాణాపాయం తప్పిందని వైఎస్‌ జగన్‌ పిటిషన్‌లో తెలిపారు.

ఈ పిటిషన్‌లో జగన్ ఇంకా ఏం చెప్పాడంటే?

''దాడి చేసిన వ్యక్తిని భద్రతా సిబ్బంది పట్టుకుని పోలీసులకు అప్పగించారు. ప్రాథమిక చికిత్స అనంతరం నేను హైదరాబాద్‌ వచ్చాను. సిటీ న్యూరో ఆస్పత్రిలో నాకు చికిత్స చేసి 9 కుట్లు వేశారు. నాపై దాడి జరిగిన గంట సమయంలోనే ఏపీ డీజేపీ ప్రెస్‌మీట్‌ పెట్టి.. పబ్లిసిటీ కోసమే దాడి జరిగిందంటూ దర్యాప్తును నీరుగార్చే ప్రయత్నం చేస్తున్నారు. సీఎం చంద్రబాబు ప్రెస్‌మీట్‌ పట్టి ఇదంతా ఆపరేషన్‌ గరుడలోభాగమన్నారు. దాడి చాలా చిన్న విషయమంటూ సీఎం వ్యాఖ్యానించారు. ముఖ్యమంత్రి హోదాలో ఉంటూ బాధ్యతారహితంగా ప్రవర్తించారు.

పోలీసులు రిమాండ్‌ రిపోర్టులో ఇది హత్యాయత్నమని తేలింది. వేర్వేరు హ్యాండ్‌ రైటింగ్‌లతో ఉన్న పదిపేజీల లేఖను వారు విడుదల చేసి.. ఘటన జరిగిన గంటలోనే ఓ ప్లెక్సీని తెరపైకి తెచ్చారు. అతను వైఎస్సార్‌సీపీ అభిమాని అంటూ నమ్మించే ప్రయత్నం చేశారు. హత్యాయత్నాన్ని కప్పిపుచ్చేలా సీఎం, డీజీపీల ప్రకటనలు ఉన్నాయి. ఏపీ పోలీసులు చేస్తున్న దర్యాప్తుపై నాకు నమ్మకం లేదు. నా ప్రాథమిక హక్కులకు భంగం వాటిల్లేలా విచారణ సాగుతోంది. ఏపీ ప్రభుత్వానికి సంబంధంలేని స్వతంత్ర సంస్థతో దర్యాప్తు జరిపించండి''

సంబంధిత వార్తలు

మల్లెల బాబ్జీకి పట్టిన గతే శ్రీనివాస్ కు,శివాజీ కూడా కుట్రదారుడే :తమ్మినేని

దాడి కేసు విచారణపై హైకోర్టులో జగన్ పిటిషన్....ప్రతివాదిగా చంద్రబాబు
జగన్‌పై దాడి: ఆ నలుగురితో శ్రీనివాసరావు సంభాషణ

జగన్‌పై దాడి: ఇద్దరు గుంటూరు మహిళల విచారణ

శివాజీని చంపి జగన్‌పైకి నెడతారు.. లక్ష్మీపార్వతి సంచలన వ్యాఖ్యలు

జగన్‌పై దాడికి ముందు శ్రీనివాస్ నుంచి ఆ మహిళకే ఎక్కువ ఫోన్ కాల్స్

శ్రీనివాస్ విచారణకు సహకరించడం లేదు, కొన్ని విషయాలు దాస్తున్నాడు:సీపీ లడ్డా

జగన్‌పై దాడి కేసు నిందితుడి హెల్త్ ఓకే: కేజీహెచ్ సీఎంఓ

జగన్‌పై దాడి: అందుకే శ్రీనివాస్‌ను కేజీహెచ్‌కు తెచ్చామని సీఐ

అందుకే జగన్‌పై దాడి చేశా: నిందితుడు శ్రీనివాస్

జగన్‌పై దాడి కేసు: పచ్చి మంచినీళ్లు కూడ ముట్టని శ్రీనివాస్

జగన్‌పై టీడీపీ ఎమ్మెల్సీ వ్యాఖ్యలు: స్వంత పార్టీ నేత కౌంటర్