బెజవాడలో మరో నిర్భయ.. మహిళను కొట్టి, జననాంగంలోకి కర్ర చొప్పించి

తమపై పోలీసులకు ఫిర్యాదు చేసిందని ఇద్దరు వ్యక్తులు ఆమెపై కక్ష కట్టారు. గత కొంతకాలంగా ఆ మహిళతో సరిహద్దు గొడవ ఉండటంతో అవకాశం కోసం ఎదురుచూశారు. ఆమె ఒంటిరిగా దొరకడంతో కర్రలతో విరుచుకుపడ్డారు.

a woman attacked by mans due to land issue in vijayawada

Nagaraju T

Vijayawada, First Published Nov 11, 2018, 5:36 PM IST

విజయవాడ:తమపై పోలీసులకు ఫిర్యాదు చేసిందని ఇద్దరు వ్యక్తులు ఆమెపై కక్ష కట్టారు. గత కొంతకాలంగా ఆ మహిళతో సరిహద్దు గొడవ ఉండటంతో అవకాశం కోసం ఎదురుచూశారు. ఆమె ఒంటిరిగా దొరకడంతో కర్రలతో విరుచుకుపడ్డారు.

తీవ్రంగా గాయపరచడమే కాకుండా ఆమె జననాంగంలోకి కట్టెను పెట్టి చిత్రహింసలకు గురి చేశారు. వారి పెట్టే చిత్రహింసలకు ఆ మహిళ బోరున విలపిస్తుంటే ఆ దుర్మార్గులు మాత్రం పైశాచిక ఆనందం పొందారు. సభ్యసమాజం తలదించుకునేలా చేసిన ఈ ఘటన విజయవాడలో చోటు చేసుకుంది.

కృష్ణాజిల్లా ముసునూరు మండలంలో ఓ గ్రామానికి చెందిన మహిళకు కుంపటి రాజు, అంజయ్యలతో ఇంటి సరిహద్దు వివాదం ఉంది. గత అక్టోబర్ 1న వీరి మధ్య మళ్లీ సరిహద్దు వివాదం చెలరేగింది. వివాదం కాస్త ఘర్షణకు దారి తీసింది. దీంతో బాధిత మహిళ పోలీసులకు ఫిర్యాదు చేసింది. కేసు నమోదు చేసిన పోలీసులు దర్యాప్తు చేపట్టారు.

తమపై పోలీసులకు మహిళ ఫిర్యాదు చెయ్యడంతో ఆగ్రహంతో రగిలిపోయారు కుంపటి రాజు,అంజయ్యలు. తమపై ఫిర్యాదు చేసిందనే అక్కసుతో నిందితులు బాధిత మహిళపై కక్ష పెంచుకున్నారు.

ఈనెల 8న గురువారం బాధిత మహిళ ఒంటిరిగా కనిపించింది. దీంతో కుంపటి రాజు, అంజయ్యలు ఆమెపై కర్రలతో దాడి చేశారు. ఈ దాడిలో స్పృహ తప్పి కిందపడిపోయిన బాధితురాలి పట్ల మరింత అమానుషంగా ప్రవర్తించారు. వారి వద్ద ఉన్న కట్టెను మహిళ జననాంగంలో పెట్టి, హింసించి పైశాచిక ఆనందం పొందారు.

ఆమె ఏడుపు విని సమీపంలోని గ్రామస్థులు అటుగా రావడంతో పరారయ్యారు. గ్రామస్థులు ఆమెను నూజివీడు ప్రభుత్వాస్పత్రికి తరలించారు. అయితే మెరుగైన వైద్యం కోసం అక్కడి వైద్యులు విజయవాడ ప్రభుత్వాస్పత్రికి రిఫర్ చేయడంతో కుటుంబ సభ్యులు గ్రామస్థులు ఆమెను విజయవాడ ప్రభుత్వాస్పత్రికి తరలించారు.

బాధితురాలిపై దాడి ఘటన సమాచారం అందుకున్న ముసునూరు పోలీసులు బాధితురాలి నుంచి వాంగ్మూలం నమోదు చేసుకున్నారు. కేసు దర్యాప్తు చేస్తున్నారు. ప్రస్తుతం బాధితురాలి ఆరోగ్యం నిలకడగానే ఉందని విజయవాడ ప్రభుత్వాసుపత్రి వైద్య విభాగాధిపతి డాక్టర్‌ సిద్దేశ్వరి తెలిపారు.

బెజవాడలో మరో నిర్భయ.. మహిళను కొట్టి, జననాంగంలోకి కర్ర చొప్పించి

RELATED STORIES

Recent Stories

Recent Videos