టీడీపీపై అనుచిత వ్యాఖ్యలు: క్షమాపణ చెప్పిన వైసీపీ ఎమ్మెల్యే

 వైసీపీ చీఫ్ వైఎస్ జగన్‌పై దాడి సందర్భంగా  ఓ టీవీ ఛానెల్ చర్చ కార్యక్రమంలో టీడీపీ నేతలపై మాట జారిన వైసీపీ ఎమ్మెల్యే  అనిల్ కుమార్ యాదవ్  సోమవారం నాడు  టీడీపీ నేతలకు క్షమాపణ చెప్పారు.

jagan

నెల్లూరు: వైసీపీ చీఫ్ వైఎస్ జగన్‌పై దాడి సందర్భంగా ఓ టీవీ ఛానెల్ చర్చ కార్యక్రమంలో టీడీపీ నేతలపై మాట జారిన వైసీపీ ఎమ్మెల్యే అనిల్ కుమార్ యాదవ్ సోమవారం నాడు టీడీపీ నేతలకు క్షమాపణ చెప్పారు.

అక్టోబర్ 25వ తేదీన వైసీపీ చీఫ్ వైఎస్ జగన్‌పై విశాఖ ఎయిర్‌పోర్ట్‌లో శ్రీనివాసరావు అనే యువకుడు దాడికి పాల్పడ్డాడు. ఈ దాడి ఘటనపై ఓ టీవీ ఛానెల్ చర్చా కార్యక్రమంలో టీడీపీ నేతలతో పాటు, వైసీపీ ఎమ్మెల్యే అనిల్‌కుమార్ యాదవ్ పాల్గొన్నారు.

చర్చా కార్యక్రమంలో భాగంగా అనిల్ కుమార్ టీడీపీ నేతలపై నోరు జారారు. ఈ విషయమై సోమవారం నాడు అనిల్ కుమార్ యాదవ్ టీడీపీ నేతలకు క్షమాపణ చెప్పారు.

జగన్‌పై దాడి ఘటన సమయంలో భావోద్వేగంతో తాను ఆ వ్యాఖ్యలు చేసినట్టుగా అనిల్ కుమార్ వివరణ ఇచ్చారు. అయితే టీడీపీపై అనుచిత వ్యాఖ్యలు చేసినందుకు గాను టీడీపీకి చెందిన కార్పోరేటర్లు నూనే మల్లిఖార్జున్ యాదవ్, సత్యనాగేశ్వరరావు, ధర్మవరపు సుబ్బారావులు అనిల్ కుమార్ కు వ్యతిరేకంగా సోమవారం నాడు ధర్నా నిర్వహించారు. 

చిన్నతనంలో ప్రజలు ఆయనను ఎమ్మెల్యేగా గెలిపించినందుకు ఆ హోదాకు తగ్గట్టుగా ఎమ్మెల్యే పనిచేయడం లేదని టీడీపీ నేతలు ఆరోపిస్తున్నారు.

సంబంధిత వార్తలు