ప్రణయ్ ఫ్యామిలీకి పరామర్శ: మాజీ ఎంపీ వివేక్ కన్నీటి పర్యంతం

నల్గొండ జిల్లా మిర్యాలగూడలో హత్యకు గురైన ప్రణయ్ కుటుంబాన్ని తెలంగాణ రాష్ట్ర ప్రభుత్వ సలహాదారుడు జి. వివేక్ మంగళవారం నాడు పరామర్శించారు

Pranay

మిర్యాలగూడ: నల్గొండ జిల్లా మిర్యాలగూడలో హత్యకు గురైన ప్రణయ్ కుటుంబాన్ని తెలంగాణ రాష్ట్ర ప్రభుత్వ సలహాదారుడు జి. వివేక్ మంగళవారం నాడు పరామర్శించారు. వివేక్ ను చూడగానే ప్రణయ్ తండ్రి బాలస్వామి వివేక్ కాళ్ల మీదపడి తమకు న్యాయం చేయాలని కోరాడు. వివేక్ కూడ కన్నీళ్లు పెట్టుకొన్నాడు.

ప్రణయ్‌ ను నాలుగు రోజుల క్రితం జ్యోతి ఆసుపత్రి ఆవరణలో అత్యంత దారుణంగా హత్య చేశారు. ప్రణయ్ భార్య అమృతవర్షిణి తండ్రి మారుతీరావే ఈ హత్య చేయించిన విషయం తెలిసిందే.

"

ప్రణయ్ కుటుంబానికి అన్ని విధాలుగా అండగా ఉంటామని వివేక్ హామీ ఇచ్చాడు. అమృతవర్షిణితో మాట్లాడారు. ఆమెకు ఆయన ధైర్యం చెప్పారు. ప్రణయ్ ను హత్య చేయడం తనను తీవ్రంగా బాధించిందన్నారు. ఆ కుటుంబానికి న్యాయం జరిగేలా ప్రభుత్వంతో మాట్లాడుతానని ఆయన హామీ ఇచ్చారు.

ప్రణయ్ కుటుంబానికి ఏ అవసరం వచ్చినా తాను అండగా నిలుస్తానని ఆయన చెప్పారు. మిర్యాలగూడలో ప్రణయ్ విగ్రహం ఏర్పాటుకు సహకరిస్తానని వివేక్ చెప్పారు. మారుతీరావు లాంటి నేరగాళ్లకు శిక్షపడుతోందని ఆయన ధీమాను వ్యక్తం చేశారు.

ఈ వార్తలు చదవండి