మారుతీరావు ఓ సైకో, అతడిని వాళ్లే చంపుతారు: ప్రణయ్ సోదరుడు అజయ్

జైల్లోనే చచ్చిపోండి... బయటకు వస్తే జనమే మిమ్మల్ని చంపేస్తారని ప్రణయ్ సోదరుడు  అజయ్ మారుతీరావు కుటుంబసభ్యులను హెచ్చరించారు. 

ప్రణయ్ హత్య.. మృతదేహం వద్ద బోరున విలపిస్తున్న ప్రణయ్ తల్లి (ఫోటోలు)

మిర్యాలగూడ: జైల్లోనే చచ్చిపోండి... బయటకు వస్తే జనమే మిమ్మల్ని చంపేస్తారని ప్రణయ్ సోదరుడు అజయ్ మారుతీరావు కుటుంబసభ్యులను హెచ్చరించారు. ఉక్రెయిన్ లో ఎంబీబీఎస్ చేస్తున్న అజయ్ ఆదివారం నాడు మధ్యాహ్నం మిర్యాలగూడకు చేరుకొన్నాడు. 

రెండు రోజుల క్రితం మిర్యాలగూడలో జ్యోతి ఆసుపత్రి వద్ద ప్రణయ్ ను మారుతీరావు కిరాయి హంతకులతో హత్య చేయించాడు. ఈ విషయం తెలిసిన వెంటనే అజయ్ ఆదివారం నాడు ఇంటికి చేరుకొన్నాడు.

ఇంటికి రాగానే సోదరుడి భౌతికకాయాన్ని చూసి అజయ్ భోరున విలపించాడు. వదిన అమృత వర్షిణిని అక్కున చేర్చుకొన్నాడు. వదినను ఓదార్చాడు. తన సోదరుడిని చంపిన మారుతీరావును ఆయన సోదరుడు శ్రవణ్ ‌ను ఆ కుటుంబాన్ని ప్రజలే చంపుతారని చెప్పారు.

జైల్లోనే చచ్చిపోవాలని మారుతీరావును అజయ్ హెచ్చరించాడు. వదినను పెళ్లి చేసుకొన్నాడని... అంతకుముందు నుండి మారుతీరావును బెదిరించారని ఆయన గుర్తు చేశారు. ప్రతిరోజూ వదినకు మారుతీరావు ఆయన భార్య ఫోన్ చేసి ఎక్కడికి వెళ్లేది.. ఎక్కడ ఉన్నది తెలుసుకొనేవారని అజయ్ చెప్పారు.

మారుతీరావును మేం కానీ, మా కుటుంబసభ్యులు చంపబోమన్నారు. ప్రజలే వారిని చంపేస్తారని చెప్పారు. కులం పేరు చెప్పి శ్రవణ్ తన సోదరుడు ప్రణయ్ ను కొట్టారని అజయ్ గుర్తు చేసుకొన్నాడు. చనిపోవడానికి ముందు రోజు రాత్రి ప్రణయ్ మాట్లాడినట్టు అజయ్ కన్నీళ్ల పర్యంతమయ్యాడు.

ఇలాంటి సైకో తండ్రిని తాను ఎక్కడా చూడలేదన్నారు అజయ్. శ్రవణ్ కూడ పెద్ద సైకో అంటూ అజయ్ ఆగ్రహం వ్యక్తం చేశాడు. పెళ్లి చేసుకొన్న సమయంలో తాను రాలేదన్నారు. రిసెప్షన్ సమయంలోనే తాను ఇక్కడికి వచ్చినట్టు ఆయన గుర్తు చేసుకొన్నారు. 

ఈ వార్తలు చదవండి