ప్రణయ్ తండ్రికి వేధింపులు: అమృత చెప్పిన ఆ కేసేమిటీ...

 మూడు రోజుల క్రితం మిర్యాలగూడలో  హత్యకు గురైన  ప్రణయ్ కేసులో  నకిరేకల్ తాజా మాజీ ఎమ్మెల్యే వేముల వీరేశంపై కూడ ప్రణయ్ సతీమణి అమృతవర్షిణి ఆరోపణలు చేసింది.

pranay amritha varshini

మిర్యాలగూడ: మూడు రోజుల క్రితం మిర్యాలగూడలో హత్యకు గురైన ప్రణయ్ కేసులో నకిరేకల్ తాజా మాజీ ఎమ్మెల్యే వేముల వీరేశంపై కూడ ప్రణయ్ సతీమణి అమృతవర్షిణి ఆరోపణలు చేసింది. ప్రణయ్ హత్య కేసులో మారుతీరావుకు వీరేశం సహకరించి ఉండవచ్చనే అనుమానాలను వ్యక్తం చేసింది.

ప్రణయ్ తాను పెళ్లి చేసుకొన్న తర్వాత నకిరేకల్ తాజా మాజీ ఎమ్మెల్యే ప్రణయ్ కు ఫోన్ చేసి మాట్లాడాలని చెప్పినట్టు కూడ అమృవర్షిణి గుర్తు చేసుకొన్నారు. ఆమె పలు మీడియా చానెళ్లకు ఇచ్చిన ఇంటర్వ్యూల్లో ఈ విషయాన్ని వెల్లడించారు.

ప్రణయ్ వాళ్ల తండ్రిపై కూడ కేతేపల్లి పోలీస్ స్టేషన్‌లో కూడ ఎమ్మెల్యే సహకారంతోనే కేసును పెట్టించినట్టు ఆమె ఆరోపించారు. అయితే ప్రణయ్ తో పాటు తనను రావాలని ఎమ్మెల్యే కోరడంతో... అదే రోజున నల్గొండలో ఓ ఘటన చోటు చేసుకోవడంతో తాము వెళ్లలేదన్నారు.

ఇదిలా ఉంటే తమకు న్యాయం చేయాలనే విషయమై ఐజీని కలిసినట్టు అమృతవర్షిణి చెప్పారు. ఐజీని కలిసిన తర్వాత ప్రణయ్ తండ్రిపై కేతేపల్లి పోలీస్‌స్టేషన్‌లో నమోదైన కేసును ఎత్తేశారని ఆమె గుర్తుచేసుకొన్నారు.

ప్రణయ్‌కు బెదిరింపు ఫోన్లు వచ్చిన సందర్భంలో కూడ నార్త్ ఇండియన్ యాసలో మాట్లాడారని ఆమె చెప్పారు.అయితే కిరాయి హంతకులను నార్త్ ఇండియా నుండి తెప్పించారేమోనని ఆమె అనుమానాన్ని వ్యక్తం చేశారు.

ఈ వార్తలు చదవండి