జగన్‌పై దాడి: శ్రీనివాసరావు మానసిక స్థితి బాగా లేదు: న్యాయవాది సలీం

వైసీపీ చీఫ్ వైఎస్‌ జగన్‌పై దాడి చేసిన నిందితుడు శ్రీనివాసరావు తరపున  సలీం అనే న్యాయవాది సోమవారం నాడు బెయిల్ పిటిషన్ దాఖలు చేశారు. 

విశాఖపట్టణం: వైసీపీ చీఫ్ వైఎస్‌ జగన్‌పై దాడి చేసిన నిందితుడు శ్రీనివాసరావు తరపున  సలీం అనే న్యాయవాది సోమవారం నాడు బెయిల్ పిటిషన్ దాఖలు చేశారు. శ్రీనివాసరావు మానసిక స్థితి బాగా లేదని  సలీం చెబుతున్నారు.ఇదే కారణాన్ని చెబుతూ బెయిల్ పిటిషన్ దాఖలు చేసినట్టు ఆయన తెలిపారు.

విశాఖ ఎయిర్‌పోర్ట్‌లో వైఎస్ జగన్‌పై  అక్టోబర్ 25వ తేదీన శ్రీనివాసరావు కత్తితో దాడికి దిగాడు. ఈ కేసులో  శ్రీనివాసరావు ప్రస్తుతం విశాఖ జైలులో ఉన్నాడు. వారం రోజుల పాటు శ్రీనివాసరావును  పోలీసులు తమ కస్టడీలోకి తీసుకొని విచారించారు.  

 ఈ విచారణలో అసలు విషయాలు తెలియలేదని పోలీసులు భావిస్తున్నారు. మరోసారి కస్టడీ కోసం పోలీసులు పిటిషన్ దాఖలు చేయాలని భావిస్తున్నారు.
శ్రీనివాసరావు నుండి ఖచ్చితమైన సమాచారాన్ని సేకరించేందుకు గాను   పాలీగ్రాఫ్ పరీక్షలు నిర్వహించాలని కూడ  సిట్ భావిస్తోంది. 

ఈ  తరుణంలోనే శ్రీనివాసరావుకు బెయిల్ మంజూరు చేయాలని కోరుతూ ఆయన తరపు న్యాయవాది సలీం సోమవారం నాడు కోర్టులో పిటిషన్ దాఖలు చేశారు.శ్రీనివాసరావు మానసికస్థితి సరిగా లేదని ఆయన తరపు న్యాయవాది సలీం చెబుతున్నారు.ఇదే కారణాన్ని చూపుతూ బెయిల్ మంజూరు చేయాలని  కోరుతూ  పిటిషన్ దాఖలు చేసినట్టుగా ఆయన చెబుతున్నారు.

సంబంధిత వార్తలు