ప్రజా కూటమిలో సీట్ల లొల్లి: దిక్కుతోచని స్థితిలో సీపీఐ

కాంగ్రెస్ ఇస్తానని ప్రకటించిన సీట్ల విషయంలో ఏం చేయాలనే విషయమై సీపీఐ మల్లగుల్లాలు పడుతోంది.

cpi plans to meet tjs, tdp and congress leaders

Hyderabad, First Published Nov 9, 2018, 3:45 PM IST

హైదరాబాద్: కాంగ్రెస్ ఇస్తానని ప్రకటించిన సీట్ల విషయంలో ఏం చేయాలనే విషయమై సీపీఐ మల్లగుల్లాలు పడుతోంది. ఏం చేయాలో తేల్చుకోలేక సీపీఐ రాష్ట్ర కార్యవర్గం శుక్రవారం మధ్యాహ్నాం అర్ధాంతరంగా వాయిదా వేసింది. శుక్రవారం సాయంత్రం మరోసారి సీపీఐ రాష్ట్ర కార్గవర్గం భేటీ కానుంది.

ప్రజా కూటమి (మహా కూటమి)లో సీట్ల సర్దుబాటు వ్యవహరం ఇంకా తేలలేదు. కాంగ్రెస్ మిత్రపక్షాలకు కేటాయించే సీట్ల సంఖ్యను ప్రకటించినా కూడ సర్దుబాటు వ్యవహరం ఇంకా కొలిక్కి రాలేదు. కాంగ్రెస్ పార్టీ 94 సీట్లలో పోటీ చేయనుంది.సీపీఐకు 3, టీడీపీకి 14, టీజేఎస్‌కు 8, తెలంగాణ ఇంటి పార్టీకి ఒక్క సీటును కేటాయించింది.

సీపీఐకు మూడు సీట్లు ఇచ్చేందుకు కాంగ్రెస్ పార్టీ గ్రీన్ సిగ్నల్ ఇచ్చింది. బెల్లంపల్లి, వైరా, హుస్నాబాద్ సీట్లు ఇచ్చేందుకు కాంగ్రెస్ పార్టీ సానుకూలంగా ఉంది.శుక్రవారం నాడు జరిగిన సీపీఐ రాష్ట్ర కార్యవర్గ సమావేశంలో కాంగ్రెస్ పార్టీతో సీట్ల సర్దుబాటు విషయమై వాడీ వేడీ చర్చ సాగింది. ఇప్పటికే తాము పోటీ చేసే 9 స్థానాలను కూడ సీపీఐ ప్రకటించింది.

కాంగ్రెస్ పార్టీ మూడు ఎమ్మెల్యే సీట్లు, 2 ఎమ్మెల్సీ సీట్లు ఇస్తామని ప్రకటించింది. కనీసం 4 ఎమ్మెల్యే, ఒక్క ఎమ్మెల్సీసీటు ఇవ్వాలని కూడ సీపీఐ ఒకానొక దశలో కాంగ్రెస్ పార్టీకి సీపీఐ ప్రతిపాదించింది.

కానీ కాంగ్రెస్ పార్టీ నుండి సానుకూలంగా స్పందన లేకపోయింది.ఈ తరుణంలో శుక్రవారం నాడు అత్యవసరంగా రాష్ట్ర కార్యవర్గం సమావేశాన్ని సీపీఐ నిర్వహించింది.
ఈ సమావేశంలో సీట్ల సర్దుబాటులో కాంగ్రెస్ పార్టీ అనుసరిస్తున్న వైఖరిపై పార్టీ నేతలు అసంతృప్తిని వ్యక్తం చేశారు. టీజేఎస్‌కు 8 సీట్లు ఇచ్చి తమకు కేవలం 3 సీట్లే ఇవ్వడంపై ఆ పార్టీ నేతలు మండిపడుతున్నారు.

కొత్తగూడెం, హుస్నాబాద్, బెల్లంపల్లి,వైరా,దేవరకొండ స్థానాలను సీపీఐ కోరుతోంది. కూటమిలోని ఇతర పార్టీలతో చర్చించాలని నిర్ణయం తీసుకొన్నారు.టీడీపీ తెలంగాణ రాష్ట్ర అధ్యక్షుడు ఎల్. రమణ, టీజేఎస్ చీప్ కోదండరామ్, టీపీసీసీ చీఫ్ ఉత్తమ్ కుమార్ రెడ్డి అందుబాటులో లేనందున మాజీ మంత్రి జానారెడ్డిని కలవాలని సీపీఐ నిర్ణయం తీసుకొంది.

సీపీఐ రాష్ట్ర సెక్రటేరియట్ సభ్యులంతా మూకుమ్మడిగా ఈ నేతలను కలవనున్నారు. తమ డిమాండ్లను కూటమిలోని భాగస్వామ్య పార్టీలకు వివరించనున్నారు.కాంగ్రెస్ పార్టీ నుండి సానుకూలంగా స్పందన రాకపోతే ఏం చేయాలనే దానిపై సాయంత్రం ఆరు గంటలకు జరిగే రాష్ట్ర కార్యవర్గ సమావేశంలో చర్చించనున్నట్టు సీపీఐ రాష్ట్ర సమితి కార్యదర్శి చాడ వెంకట్ రెడ్డి ప్రకటించారు.

సంబంధిత వార్తలు

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ

సీట్ల లొల్లి: కాంగ్రెస్‌పై సీపీఐ అసంతృప్తి, ఇక తాడోపేడో

సీపీఐకి మూడు సీట్లకు కాంగ్రెస్ ఒకే: మగ్ధూంభవన్‌కు కోదండరామ్

టీజేఎస్‌కు కాంగ్రెస్ 11 సీట్ల మెలిక: కుదరదన్న కోదండరామ్

కాంగ్రెస్, సీపీఐ మధ్య పొత్తు: ఆ ఒక్క సీటు వద్దే ప్రతిష్టంభన

కాంగ్రెస్ స్క్రీనింగ్ కమిటీ భేటీ: సీపీఐ, టీజేఎస్‌లను ముంచుతారా తేల్చుతారా?

కాంగ్రెస్ అధిష్టానం షాక్: వారికి టికెట్టు లేనట్టే...

ప్రజా కూటమి: కాంగ్రెస్ నేతలతో కోదండరామ్ భేటీ, రమణ, చాడ గైర్హాజర్

కాంగ్రెస్‌కు షాక్: 9 స్థానాల్లో పోటీకి సీపీఐ సై, మూడు రోజుల్లో అభ్యర్థుల ప్రకటన

పొత్తులపై వీడని ఆశ: కోదండరామ్ మాట ఇదీ