కాంగ్రెస్, టీడీపీ జాబితాలపై సెగ: పోటీకి రెబెల్స్ రెడీ

By narsimha lode | First Published Nov 13, 2018, 12:33 PM IST

కాంగ్రెస్, టీడీపీ తొలి జాబితాలను సోమవారం రాత్రి విడుదల చేశారు. ఈ జాబితాలపై అసంతృప్తులు బాహాటంగానే తమ అసంతృప్తిని వ్యక్తం చేస్తున్నారు.

హైదరాబాద్: కాంగ్రెస్, టీడీపీ తొలి జాబితాలను సోమవారం రాత్రి విడుదల చేశారు. ఈ జాబితాలపై అసంతృప్తులు బాహాటంగానే తమ అసంతృప్తిని వ్యక్తం చేస్తున్నారు. ఆయా పార్టీల నిర్ణయాన్ని నిరసిస్తూ రెబెల్స్‌గా బరిలోకి దిగేందుకు రంగం సిద్దం చేసుకొంటున్నారు.

సోమవారం అర్ధరాత్రి కాంగ్రెస్ పార్టీ 65 స్థానాలను ప్రకటించింది. ఈ జాబితాపై కాంగ్రెస్ పార్టీ నేతలు బహిరంగంగానే తమ అసంతృప్తిని వ్యక్తం చేస్తున్నారు.

Latest Videos

వరంగల్ వెస్ట్ స్థానాన్ని పొత్తులో భాగంగా టీడీపీకి కేటాయించడంతో వరంగల్ డీసీసీ అధ్యక్షుడు నాయిని రాజేందర్ రెడ్డి కాంగ్రెస్ కు గుడ్‌బై చెప్పే యోచనలో ఉన్నారు. ఇవాళ సాయంత్రానికి తన నిర్ణయాన్ని ప్రకటించనున్నట్టు రాజేందర్ రెడ్డి తేల్చి చెప్పారు.

మరో వైపు శేరిలింగంపల్లి సీటును టీడీపీకి కేటాయించడంతో మాజీ ఎమ్మెల్యే భిక్షపతి యాదవ్ తీవ్ర అసంతృప్తితో ఉన్నారు. అనుచరులతో ఆయన సమావేశమయ్యారు. భవిష్యత్తు కార్యాచరణపై చర్చిస్తున్నారు.స్టేషన్‌ఘన్‌పూర్ టికెట్టు ఇందిరకు కేటాయించడంతో మాజీ మంత్రి విజయరామారావు అసంతృప్తితో ఉన్నారు. ఇందిర టీఆర్ఎస్‌ అభ్యర్ధి డాక్టర్ రాజయ్య బంధువంటూ ఆయన ఆరోపణలు చేశారు. తాను ఇండిపెండెంట్‌గా బరిలోకి దిగనున్నట్టు చెప్పారు.

మాజీ మంత్రి పొన్నాల లక్ష్మయ్యకు తొలి జాబితాలో టికెట్టు దక్కకపోవడంతో తీవ్ర అసంతృప్తితో ఆయన ఉన్నారు. హుటాహుటిన ఆయన ఢిల్లీకి వెళ్లారు. అయితే ఈ స్థానాన్ని టీజేఎస్‌ను కేటాయించే అవకాశం ఉందని ప్రచారం సాగుతోంది.ఈ స్థానం నుండి టీజేఎస్ చీఫ్ కోదండరామ్ పోటీ చేసే అవకాశం లేకపోలేదు. ఈ తరుణంలోనే జనగామ సీటును ప్రకటించలేదని సమాచారం. అయితే జనగామ నుండి రాజిరెడ్డి బరిలోకి దిగే అవకాశం లేకపోలేదు.

దుబ్బాక నుండి మాజీ మంత్రి దుబ్బాక ముత్యం రెడ్డి తనయుడు దుబ్బాక శ్రీనివాస్ రెడ్డి బరిలోకి దిగే అవకాశాలు ఉన్నాయి.ఆలేరు నుండి రామచంద్రారెడ్డి, బాన్సువాడ నుండి మాల్యాద్రి రెడ్డి బరిలోకి దిగే అవకాశం ఉంది. కంటోన్మెంట్ నుండి క్రిశాంక్ రెడ్డి, జడ్చర్ల నుండి అనిరుధ్ రెడ్డి, మంచిర్యాల నుండి అరవింద్ రెడ్డి, సూర్యాపేట నుండి పటేల్ రమేష్ రెడ్డి అసంతృప్తితో ఉన్నారు. వీరంతా రెబెల్స్ గా బరిలోకి దిగే అవకాశాలు లేకపోలేదనే సంకేతాలను ఇప్పటికే ఇచ్చారు.

కోదా స్థానం కాంగ్రెస్ పార్టీకి కేటాయించడంతో టీడీపీ నేత బొల్లం మల్లయ్య యాదవ్ రెబెల్‌గా బరిలోకి దిగే ఛాన్స్ ఉంది. టీఆర్ఎస్ నుండి ఆఫర్ వస్తే ఆయన ఆ పార్టీలో చేరే అవకాశాలు లేకపోలేదని చెబుతున్నారు.కొత్తగూడెం సీటును కాంగ్రెస్ పార్టీకి కేటాయించడంతో టీడీపీ నేత కోనేరు నాగేశ్వరరావు కూడ రెబెల్‌గా బరిలోకి దిగే ఛాన్స్ లేకపోలేదని అంటున్నారు.

అయితే ఆయా పార్టీల నాయకత్వాలు వారిని బుజ్జగించేందుకు ఇంకా చర్యలు చేపట్టాల్సి ఉంది. మరోవైపు కాంగ్రెస్ పార్టీ ఇంకా రెండు జాబితాలను ప్రకటించే అవకాశం ఉంది. మిత్రపక్షాలు సీట్ల సర్దుబాటులో భాగంగా తమ సీట్లను కోల్పోయే కూటమిలోని పార్టీల నేతలను సంతృప్తిపర్చడం అంతా ఆషామాషీ విషయం కాదు.

సంబంధిత వార్తలు

నేను ఎక్కడి నుండి పోటీ చేస్తానో నాకే తెలియదు: కోదండరామ్
పొత్తుల చిచ్చు: స్వీయ నిర్భంధంలో కాంగ్రెస్ నేతలు

కాంగ్రెస్ అభ్యర్థుల జాబితా రెడీ: జానా, రేవంత్‌లకు ఢిల్లీ పిలుపు

ఢిల్లీలో సీట్ల కేటాయింపు: ఆందోళనలతో దద్దరిల్లుతున్న గాంధీభవన్

రేవంత్‌కు షాక్: కాంగ్రెస్ తొలి జాబితాలో ఉత్తమ్‌దే పై చేయి

పొత్తుల చిచ్చు: స్వీయ నిర్భంధంలో కాంగ్రెస్ నేతలు

ఢిల్లీలో సీట్ల కేటాయింపు: ఆందోళనలతో దద్దరిల్లుతున్న గాంధీభవన్

కాంగ్రెస్ జాబితా ఆలస్యం: కొలిక్కిరాని సీట్ల సర్ధుబాటు

సీట్ల షాక్: అధిష్టానానికి రేవంత్ రెడ్డి వార్నింగ్

మహాకూటమిలో అలజడి...ఆ సీట్ల కోసం సిపిఐ పట్టు

కాంగ్రెస్‌పై సీపీఐ గుర్రు: కొత్తగూడెం ఎందుకు కావాలంటే.....

ప్రజాకూటమిలో సీట్ల సిగపట్లు: సీపీఐ వైఖరిపై ఉత్కంఠ