మిస్డ్ కాల్ వస్తే ఫోన్ చేశా: జగన్‌‌పై దాడి కేసులో గుంటూరు మహిళ

 తన ఫోన్‌కు మిస్డ్ కాల్ వస్తే ఒక్కసారే  ఫోన్ చేశానని.... తనకు ఏం తెలియదని గుంటూరు జిల్లా పిడుగురాళ్లకు చెందిన వివాహిత పోలీసుల విచారణలో చెప్పినట్టు సమాచారం.  

విశాఖపట్టణం: తన ఫోన్‌కు మిస్డ్ కాల్ వస్తే ఒక్కసారే  ఫోన్ చేశానని.... తనకు ఏం తెలియదని గుంటూరు జిల్లా పిడుగురాళ్లకు చెందిన వివాహిత పోలీసుల విచారణలో చెప్పినట్టు సమాచారం.

అక్టోబర్ 25వ తేదీన  వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాసరావు ఫోన్‌ కాల్స్ డేటా ఆధారంగా గుంటూరు జిల్లాకు చెందిన  నలుగురిని బుధవారం నాడు విచారణకు తీసుకొచ్చారు.ఈ నలుగురిలో ఇద్దరు మహిళలు కూడ ఉన్నారు. 

అయితే  ఓ వివాహిత కుటుంబసభ్యులు  మాత్రం  శ్రీనివాసరావుతో తమకు సంబంధం లేదని తేల్చి చెప్పినట్టు సమాచారం. ఒక్క రోజు తన ఫోన్‌కు మిస్డ్ కాల్ వస్తే.. తిరిగి ఫోన్ చేసినట్టు వివాహిత పోలీసుల విచారణలో వెల్లడించినట్టు తెలుస్తోంది.

జగన్ పై దాడి నిందితుడు శ్రీనివాసరావుతో తమకు సంబంధం లేదని  తేల్చి చెప్పారని సమాచారం.  నాలుగు రోజులుగా శ్రీనివాసరావును విశాఖ ఎయిర్‌పోర్ట్‌లో విచారిస్తున్నారు. 

వైసీపీ చీఫ్ వైఎస్ జగన్‌పై దాడికి పాల్పడిన నిందితుడు శ్రీనివాసరావుతో తమకు ఎలాంటి సంబంధం లేదని  ఆ మహిళ తేల్చి చెప్పినట్టు సమాచారం.

సంబంధిత వార్తలు