శ్రీనివాస్ కి భద్రత కల్పిస్తాంః:హోం మంత్రి చినరాజప్ప భరోసా

 వైసీపీ అధినేత వైఎస్ జగన్‌పై విశాఖ విమానాశ్రయంలో జరిగిన దాడి కేసులో నిందితుడు శ్రీనివాస్ కి భద్రత కల్పిస్తామని ఏపీ హోంశాఖ మంత్రి చినరాజప్ప భరోసా ఇచ్చారు. ఈ కేసు విచారణలో ఎలాంటి అనుమానాలకు తావులేదన్నారు. ఈ ఘటనపై కొందరు నాయకులు చేస్తున్న ఆరోపణలు అవాస్తవమని, విచారణలో ప్రభుత్వం నిష్పక్షపాతంగా వ్యవహరిస్తోందని చినరాజప్ప స్పష్టంచేశారు.  

అమరావతి: వైసీపీ అధినేత వైఎస్ జగన్‌పై విశాఖ విమానాశ్రయంలో జరిగిన దాడి కేసులో నిందితుడు శ్రీనివాస్ కి భద్రత కల్పిస్తామని ఏపీ హోంశాఖ మంత్రి చినరాజప్ప భరోసా ఇచ్చారు. ఈ కేసు విచారణలో ఎలాంటి అనుమానాలకు తావులేదన్నారు. ఈ ఘటనపై కొందరు నాయకులు చేస్తున్న ఆరోపణలు అవాస్తవమని, విచారణలో ప్రభుత్వం నిష్పక్షపాతంగా వ్యవహరిస్తోందని చినరాజప్ప స్పష్టంచేశారు.

సిట్ దర్యాప్తుపై వైసీపీ నేతలు తమకు నమ్మకం లేదనడాన్ని చినరాజప్ప ఖండించారు. దర్యాప్తులో నిస్పక్షపాతంగా జరుగుతుందని అందులో ఎలాంటి సందేహం లేదన్నారు. పోలీసులు అన్ని కోణాల్లో దర్యాప్తు చేస్తున్నారని ఎక్కడా అలసత్వం వహించడం లేదని చెప్పారు.

ఇకపోతే నిందితుడు శ్రీనివాస్ మంగళవారం కేజీహెచ్ లో కీలక వ్యాఖ్యలు చేశాడు. జగన్‌ అంటే తనకు ప్రాణమని, తనంతట తానే జగన్ పై దాడి చేశానంటూ నిందితుడు చెప్పాడు. జగన్‌పై దాడి రాజకీయంగా మారిపోయిందని, తన ప్రాణాలకు హాని ఉందని, తనకు రక్షణ కల్పించాలంటూ వేడుకున్నాడు. 

తనను చంపి రాజకీయం చేయాలనుకుంటున్నారంటూ వాపోయాడు. ఒకవేళ తాను చనిపోతే తన అవయవాలు దానం చేయండంటూ శ్రీనివాసరావు మీడియాతో వాపోయాడు. అంతేకాదు శ్రీనివాస్ ఆరోగ్య పరిస్థితిపై పెద్ద ఎత్తున ఆందోళన వ్యక్తమవైంది. 

అరెస్ట్ చేసినప్పుడు ఆరోగ్యంగా ఉన్న శ్రీనివాస్ పోలీస్ విచారణలో పూర్తిగా నీరసించిపోయినట్లు కనిపించడంతో వైసీపీ నేతలు పలు విమర్శలు చేశారు. శ్రీనివాస్ ను హత్య చేసేందుకు కుట్ర జరుగుతుందంటూ ఆరోపించారు. 

ఈ వార్తలు కూడా చదవండి

జగన్ స్టేట్‌మెంట్‌కోసం మరోసారి ఏపీ పోలీసుల యత్నం

సిట్ అధికారులను శ్రీనివాస్ తల్లిదండ్రులు ఏం కోరారంటే...

జగన్ ను అరెస్ట్ చేస్తారా, దమ్ముంటే చెయ్యండి: మంత్రులకు మేరుగ సవాల్