జగన్‌పై దాడి కేసులో ట్విస్ట్: ఆ యువతులే కీలకం

వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాసరావుకు  ముగ్గురు యువతులు  సహకరించినట్టుగా పోలీసులు తమ దర్యాప్తులో గుర్తించారు

విశాఖపట్టణం:వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాసరావుకు  ముగ్గురు యువతులు  సహకరించినట్టుగా పోలీసులు తమ దర్యాప్తులో గుర్తించారు. ఈ విషయమై సిట్ బృందం ఈ ముగ్గురు యువతులను మరింత లోతుగా విచారణ చేస్తున్నారు.

విశాఖ ఎయిర్‌పోర్ట్‌లో అక్టోబర్ 25వ తేదీన వైసీపీ చీఫ్ వైఎస్ జగన్‌‌పై శ్రీనివాసరావు కత్తితో దాడికి పాల్పడ్డాడు.  అయితే శ్రీనివాసరావుకు  ఈ ముగ్గురు యువతులు  ఎక్కువగా సహకరించారని సిట్ బృందం గుర్తించింది.

శ్రీనివాసరావు కొంత కాలం రమాదేవి అనే  యువతితో సహజీవనం చేస్తున్నారని  కూడ పోలీసులు గుర్తించారు. గత మాసంలో రమాదేవి శ్రీనివాసరావుకు  రూ. 20వేలను కూడ ఇచ్చినట్టు  సిట్ దర్యాప్తులో తేలింది.

రమాదేవితో పాటు ఆమె మరో ఇధ్దరు స్నేహితులు హేమ,  జ్యోతి కూడ ఈ విషయంలో శ్రీనివాసరావుకు సహకరించారని సమాచారం.  జగన్‌పై దాడి జరిగిన రోజున  జగన్ టూర్ ప్రోగ్రాం గురించి  మినిట్ టూ మినిట్  సమాచారాన్ని  హేమ శ్రీనివాసరావుకు చేరవేసిందని  సిట్ బృందం గుర్తించింది.

మరోవైపు  జ్యోతి అనే యువతి శ్రీనివాసరావుకు ట్యాబ్లెట్ కంప్యూటర్ ‌ను  ఇచ్చిందని పోలీసుల విచారణలో తేలింది.

శ్రీనివాసరావు  తల్లిదండ్రులను  పిలిపించి  వారి ముందే  ఆయనను విచారించారు. తల్లిదండ్రులను చూసిన సమయంలో శ్రీనివాసరావు భావోద్వేగానికి గురైనట్టు పోలీసులు  చెబుతున్నారు. ఈ ఘటన‌ వెనుక ప్రధాన కారణాలు ఏమీ లేవని  శ్రీనివాసరావు చెబుతున్నారని సిట్ బృందం చెబుతోంది.

సంబంధిత వార్తలు