ప్రణయ్ హత్య: మారుతీరావు ఇంట్లో పోలీసుల సోదాలు

నల్గొండ జిల్లా మిర్యాలగూడలో ప్రణయ్ హత్య కేసులో ప్రధాన నిందితుడు  మారుతీరావు ఇళ్లలో పోలీసులు శుక్రవారం నాడు సోదాలు నిర్వహించారు.  

మిర్యాలగూడ: నల్గొండ జిల్లా మిర్యాలగూడలో ప్రణయ్ హత్య కేసులో ప్రధాన నిందితుడు  మారుతీరావు ఇళ్లలో పోలీసులు శుక్రవారం నాడు సోదాలు నిర్వహించారు.

సెప్టెంబర్ 14వ తేదీన మిర్యాలగూడ జ్యోతి ఆసుపత్రి వద్ద ప్రణయ్‌ను కిరాయి హంతకుడు దారుణంగా హత్య చేశాడు.  ఈ ఘటనకు ప్రణయ్ మామా మారుతీరావు కారణంగా పోలీసులు నిర్ధారించారు.

మారుతీరావుపై కూడ అనేక ఆరోపణలు ఉన్నాయి. భూ కబ్జాలకు పాల్పడినట్టు అక్రమంగా ఆస్తులను సంపాదించినట్టుగా  వార్తలు వచ్చాయి. దీంతో  మారుతీరావుపై  ఈ దిశగా కూడ  దర్యాప్తు చేస్తామని  పోలీసులు  చెప్పారు.

ఇప్పటికే ప్రణయ్ హత్య కేసులో  రిమాండ్‌లో మారుతీరావు ఇళ్లలో, కార్యాలయాల్లో  పోలీసులు  శుక్రవారం నాడు సోదాలు నిర్వహించారు. భూకబ్జాలకు పాల్పడ్డారని మారుతీరావుపై  ఆరోపణలు ఉన్న నేపథ్యంలో  పోలీసుల సోదాాలు ప్రాధాన్యం సంతరించుకొన్నాయి.

గతంలో కూడ అనేక ఆరోపణలు మారుతీరావుపై వచ్చిన కూడ చర్యలు తీసుకోలేదని  విమర్శలు లేకపోలేదు.అయితే రాజకీయంగా తన పలుకుబడిని ఉపయోగించి మారుతీరావు అన్నింటిని మేనేజ్ చేసేవాడనే విమర్శలు లేకపోలేదు.