అగ్రవర్ణానికి చెందిన యువతితో లవ్: ప్రియుడిపై దాడి

:కరీంగనర్ జిల్లాలో  ప్రేమికుడిపై  యువతి తరపు బంధువులు దాడికి పాల్పడ్డారు. చావు బతుకుల మధ్య ఆ యువకుడు కొట్టుమిట్లాడుతున్నాడు

కరీంనగర్ :కరీంగనర్ జిల్లాలో  ప్రేమికుడిపై  యువతి తరపు బంధువులు దాడికి పాల్పడ్డారు. చావు బతుకుల మధ్య ఆ యువకుడు కొట్టుమిట్లాడుతున్నాడు. అగ్ర కులానికి చెందిన అమ్మాయిని ప్రేమించినందుకే  అమ్మాయి తరపు బంధవులు దాడికి పాల్పడ్డారని  బాధితుడి బంధువులు ఆరోపిస్తున్నారు.

నల్గొండ జిల్లా మిర్యాలగూడలో జరిగిన ప్రణయ్ ఉదంతం మర్చిపోకముందే ఇదే తరహా ఘటన చోటు చేసుకొంది. అయితే తాజాగా చోటు చేసుకొన్న ఘటనలో ప్రియుడు చావుబతుకుల మధ్య కొట్టుమిట్టాడుతున్నాడు. 

కరీంనగర్ జిల్లా చిగురుమామిడి మండలం ఇందుర్తికి చెందిన  ఓ యువకుడు అగ్రవర్ణానికి చెందిన ఓ యువతిని ప్రేమించాడు.  ఈ విషయం యువతి తల్లిదండ్రులకు తెలిసింది. 

అంతేకాదు ఈ విషయమై  యువతి బంధువులు ఆ యువకుడిని చితకబాదారు. సప్తగిరి కాలనీలో  ఈ ఘటన చోటు చేసుకొంది. ప్రాణాపాయస్థితిలో కొట్టుమిట్టాడుతున్న ఆ యువకుడిని  స్థానికులు  ఆసుపత్రిలో చేర్పించారు.  బాధితుడి బంధువుల ఫిర్యాదు మేరకు పోలీసులు కేసు నమోదు చేసుకొని దర్యాప్తు  చేస్తున్నారు.

యువకుడికి చికిత్స అందిస్తున్నట్టు  వైద్యులు చెప్పారు. ప్రస్తుతం ప్రాణాపాయం లేదని  వైద్యులు చెబుతున్నారు. అయితే  ఈ  ఘటనకు సంబంధించి ఇంకా పూర్తి వివరాలు అందాల్సి ఉందని  పోలీసులు చెబుతున్నారు.

సంబంధిత వార్తలు