ఇదేం ప్రేమ, డాడీ నమ్మించి నరికేశాడు: అమృత

చిన్నప్పుడు నాన్న అంటే చాలా ప్రేమ ఉండేది..కానీ, తాను పెద్దయ్యే సమయంలో  నాన్న గురించి కొన్ని విషయాలు తెలిశాయని  అమృతవర్షిణి చెప్పారు. 

మిర్యాలగూడ: చిన్నప్పుడు నాన్న అంటే చాలా ప్రేమ ఉండేది..కానీ, తాను పెద్దయ్యే సమయంలో  నాన్న గురించి కొన్ని విషయాలు తెలిశాయని  అమృతవర్షిణి చెప్పారు. పెళ్లైన తర్వాత నాన్న అసలు విషయం తెలిసిందని అమృతవర్షిణి అభిప్రాయపడ్డారు.

ప్రణయ్ హత్య కేసులో నిందితుల గురించి ఎస్పీ రంగనాథ్ మీడియా సమావేశాన్ని ప్రణయ్ కుటుంబసభ్యులు టీవీల్లో వీక్షించారు.ఎస్పీ మీడియా సమావేశంపై అమృత మాట్లాడారు.

నా నుంచి సమాచారం సేకరించి  ప్రణయ్ హత్య కోసం ప్లాన్ చేశారని తెలిసి షాక్ కు గురైనట్టు  అమృత చెప్పారు.  తాను ప్రణయ్ తో కలిసి  బ్యూటీ పార్లర్ కు వెళ్లిన సమయాన్ని  ఒక రోజు అమ్మ నన్ను ఫోన్లో ప్రశ్నించిందని అమృత గుర్తు చేసుకొంది.

బ్యూటీ పార్లర్ నుండి ఇంటికి వచ్చిన తర్వాత మరునాడు అమ్మ ఫోన్ చేసి బ్యూటీ పార్లర్‌కు  వెళ్లావా... జ్యూయలరీ షాపుకు వెళ్లావా అంటూ తల్లి ప్రశ్నించిందన్నారు.నీకేలా తెలుసునని తాను తల్లిని ప్రశ్నించినట్టు అమృత చెప్పారు.

అయితే బ్యూటీపార్లర్ తనను చూసేందుకు కారులో మారుతీరావు వచ్చినట్టు  తల్లి తనతో చెప్పిందని అమృత గుర్తు చేసుకొన్నారు. అయితే తన నుండి సమాచారాన్ని సేకరించి.. ప్రణయ్ హత్యకు ప్లాన్ చేసినట్టు అర్థమైందన్నారు.నమ్మించి గొంతు కోశారనే అభిప్రాయాన్ని అమృత వ్యక్తం చేశారు. 

మారుతీరావుతో పాటు నిందితులకు బెయిల్ రావొద్దన్నారు. వాళ్లు బయటకు వస్తే  ఇబ్బందులు ఎదురయ్యే అవకాశాలు ఉన్నాయన్నారు. తమకు రక్షణ కల్పించాలని ఆమె పోలీసులను కోరారు.  నిందితులను ఉరి తీయాలన్నారు. 

నా మీద ప్రేమ ఉంటే నేను ఉంటున్న ఇంటికి వచ్చి నన్ను చూసేవారు ... కానీ నేను ఎక్కడికి వెళ్తే అక్కడకు కారులో వచ్చి చూశారనేది అబద్దమన్నారు.నామీద ప్రేమ లేదనేది తేటతెల్లమైందని అమృత చెప్పారు. ప్రణయ్ కుటుంబం తనను  ప్రాణంగా చూసుకొంటారని  అమృత అభిప్రాయపడింది.