జగన్‌పై దాడి: ఇద్దరు గుంటూరు మహిళల విచారణ

వైసీపీ చీఫ్ వైఎస్ జగన్‌పై దాడికి పాల్పడిన నిందితుడు శ్రీనివాసరావు‌ స్నేహితుడు ఇమ్రాన్‌ఖాన్‌ను కూడ సిట్ ‌ బృందం విశాఖకు తీసుకొచ్చారు. 

విశాఖపట్టణం: వైసీపీ చీఫ్ వైఎస్ జగన్‌పై దాడికి పాల్పడిన నిందితుడు శ్రీనివాసరావు‌ స్నేహితుడు ఇమ్రాన్‌ఖాన్‌ను కూడ సిట్ ‌ బృందం విశాఖకు తీసుకొచ్చారు. ఇమ్రాన్ ఖాన్‌తో శ్రీనివాసరావు సంబంధాలపై  పోలీసులు ఆరా తీస్తున్నారు.

విశాఖ ఎయిర్‌పోర్ట్‌లో అక్టోబర్ 25వ తేదీన వైసీపీ చీఫ్ వైఎస్ జగన్‌పై శ్రీనివాసరావు కత్తితో దాడికి పాల్పడ్డాడు. ఈ దాడికి పాల్పడిన  శ్రీనివాసరావును విశాఖ పోలీసులు  తమ కస్టడీలోకి తీసుకొని విచారిస్తున్నారు.  శ్రీనివాసరావు విచారణ  బుధవారం నాటికి  నాలుగో రోజుకు చేరుకొంది.

శ్రీనివాసరావు కాల్‌డేటా ఆధారంగా పోలీసులు  విచారణ చేస్తున్నారు.  శ్రీనివాసరావు స్నేహితుడు  ఇమ్రాన్ ఖాన్‌ మధ్యప్రదేశ్ రాష్ట్రంలో ఉంటున్నాడు.పలు మార్లు ఇమ్రాన్‌కాన్‌తో  శ్రీనివాసరావు ఫోన్‌లో మాట్లాడాడు. ఈ  ఫోన్ సంభాషణల గురించి ఆరా తీసేందుకు పోలీసులు విచారణ చేస్తున్నారు.  మధ్య ప్రదేశ్ నుండి  శ్రీనివాసరావును విశాఖకు తీసుకొచ్చారు.

ఇదిలా ఉంటే  గుంటూరు జిల్లా పిడుగురాళ్ల‌ నుండి ఇద్దరు మహిళలను కూడ విశాఖ  పోలీసులు  తీసుకొచ్చారు. 

సంబంధిత వార్తలు