జగన్ స్టేట్‌మెంట్‌కోసం మరోసారి ఏపీ పోలీసుల యత్నం

 విశాఖ ఎయిర్‌పోర్ట్‌లో దాడికి సంబంధించి వైఎస్ జగన్‌ నుండి వాంగ్మూలం తీసుకొనేందుకు ఏపీ పోలీసులు  మరోసారి ప్రయత్నాలు ప్రారంభించారు

విశాఖపట్టణం: విశాఖ ఎయిర్‌పోర్ట్‌లో దాడికి సంబంధించి వైఎస్ జగన్‌ నుండి వాంగ్మూలం తీసుకొనేందుకు ఏపీ పోలీసులు  మరోసారి ప్రయత్నాలు ప్రారంభించారు.జగన్  నిర్ణయం ఆధారంగా  ఏం చేయాలనే  దానిపై  నిర్ణయం తీసుకోవాలని  ఏపీ పోలీసులు భావిస్తున్నారు.

అక్టోబర్ 25వ తేదీన విశాఖ ఎయిర్‌పోర్ట్‌లో శ్రీనివాసరావు అనే యువకుడు  వైసీపీ చీఫ్ వైఎస్ జగన్‌పై కత్తితో దాడికి పాల్పడ్డాడు. అయితే ఈ దాడికి పాల్పడిన  మరునాడు  హైద్రాబాద్‌లోని సిటీ న్యూరో సెంటర్‌ ఆసుపత్రిలో  జగన్ చికిత్స పొందాడు.

ఆ సమయంలో ఏపీ పోలీసులు జగన్‌ వద్ద స్టేట్ మెంట్  తీసుకొనేందుకు వచ్చారు. అయితే  జగన్ స్టేట్ మెంట్  ఇవ్వరని  ఆ పార్టీ నేత సజ్జల రామకృష్ణారెడ్డి లెటర్ ఇచ్చారు.

అయితే ఈ కేసులో బాధితుడుగా ఉన్న జగన్‌ స్టేట్‌మెంట్ తీసుకోవాల్సిన అనివార్య పరిస్థితులు పోలీసులకు ఉన్నాయి. ఏపీ పోలీసులపై తమకు నమ్మకం లేదని వైసీపీ చెబుతోంది. థర్డ్ పార్టీ విచారణ కావాలని కోరుతున్నారు. 

అయితే  మరోసారి స్టేట్‌మెంట్ కోసం నిర్ణీత సమయాన్ని కేటాయించాలని కోరుతూ వైసీపీ చీఫ్ వైఎస్ జగన్‌కు ఏపీ పోలీసులు లేఖను పంపారు. అయితే  ఈ లేఖపై ‌జగన్ ఏం సమాధానం చెబుతారనే విషయమై పోలీసులు ఎదురుచూస్తున్నారు.

జగన్ సమాధానం ఆధారంగా తదుపరి ప్రణాళికలను సిద్దం చేసుకోవాలని ఏపీ పోలీసులు భావిస్తున్నారు. స్టేట్‌మెంట్ కోసం అవసరమైతే కోర్టుకు కూడ వెళ్లేందుకు తాము సిద్దంగా ఉన్నామని ఏపీ పోలీసులు ఇదివరకే ప్రకటించారు.  

సంబంధిత వార్తలు