జనగాం నుంచి కోదండరామ్ పోటీ: పొన్నాల ఆగ్రహం, టచ్ లో హరీష్

జనగామ జిల్లా ఏర్పాటు కోసం జరిగిన పోరాటంలో కోదండరామ్ కీలక పాత్ర పోషించారు. ఆ పోరాటానికి తలొగ్గి ముఖ్యమంత్రి కె. చంద్రశేఖర రావు జనగామ జిల్లా ఏర్పాటుకు అంగీకరించారు. కోదండరామ్ పోటీ చేస్తే జనగామలో ప్రజా కూటమికి ప్లస్ అవుతుందని భావిస్తున్నారు.

pratap reddy

Janagam, First Published Nov 10, 2018, 11:09 AM IST

హైదరాబాద్: తెలంగాణ జనసమితి (టిజెఎస్) అధ్యక్షుడు కోదండరామ్ జనగామ అసెంబ్లీ స్థానం నుంచి పోటీ చేసే అవకాశాలున్నట్లు తెలుస్తోంది. జనగామ సీటును ఎఐసిసి అధ్యక్షుడు రాహుల్ గాంధీ కోదండరామ్ కు కేటాయించినట్లు సమాచారం. అక్కడి నుంచి పోటీ చేయడానికి కోదండరామ్ కూడా అంగీకారం తెలిపినట్లు తెలుస్తోంది.

ప్రస్తుతం జనగామ నియోజకవర్గానికి తెలంగాణ రాష్ట్ర సమితి (టీఆర్ఎస్)కి చెందిన ముత్తిరెడ్డి యాదగిరి రెడ్డి ప్రాతినిధ్యం వహిస్తున్నారు. ముత్తిరెడ్డి యాదగిరి రెడ్డిపై నియోజకవర్గంలో తీవ్ర వ్యతిరేకత కూడా ఉంది.

అయితే, ఈ ప్రతిపాదనపై కాంగ్రెసు నేత పొన్నాల లక్ష్మయ్య తీవ్ర ఆగ్రహంతో ఉన్నారు. తనకు కనీసం చెప్పకుండా కోదండరామ్ పేరును ఖరారు చేయడాన్ని ఆయన వ్యతిరేకిస్తున్నారు. బీసీలకు ఇది తీరని అన్యాయమని ఆయన అంటున్నారు. జనగామ నుంచి పోటీ చేయాలని పొన్నాల లక్ష్మయ్య గట్టి అనుకుంటున్నారు.

ఇదిలావుంటే, తెలంగాణ రాష్ట్ర సమితి (టీఆర్ఎస్) కీలక నేత హరీష్ రావు పొన్నాల లక్ష్మయ్యతో మాట్లాడుతున్నట్లు తెలుస్తోంది. రాహుల్ గాంధీ జనగామ టికెట్ ను ఖరారు చేస్తే పొన్నాల లక్ష్మయ్య టీఆర్ఎస్ లో చేరుతారా అనే అనుమానాలు కూడా వ్యక్తమవుతున్నాయి.

అయితే, పొన్నాల లక్ష్మయ్యకు కాంగ్రెసు అధిష్టానం మరో ఆఫర్ ఇస్తోంది. ఎమ్మెల్సీగా ఎంపిక చేసి డిప్యూటీ సిఎం పదవి ఇస్తామని హామీ ఇస్తున్నట్లు సమాచారం. లేదా రాజ్యసభ ఎంపిక చేయిస్తామని కూడా చెబుతున్నట్లు తెలుస్తోంది.

ఇదిలావుంటే, టీజెఎస్ కాంగ్రెసు గుర్తు హస్తంపై పోటీ చేసే అవకాశాలున్నట్లు తెలుస్తోంది. టీజెఎస్ కు ఎన్నికల సంఘం అగ్గిపెట్టె గుర్తును కేటాయించింది. ఓటర్లు అయోమయానికి గురవుతారనే ఉద్దేశంతో టీజెఎస్ హస్తం గుర్తుపైనే పోటీ చేయాలని అనుకుంటున్నట్లు తెలుస్తోంది.

సంబంధిత వార్తలు

కోదండరామ్ కు ఢిల్లీ పిలుపు: ఎందుకంత ప్రాధాన్యం

సీపీఐకి మూడు సీట్లకు కాంగ్రెస్ ఒకే: మగ్ధూంభవన్‌కు కోదండరామ్

టీజేఎస్‌కు కాంగ్రెస్ 11 సీట్ల మెలిక: కుదరదన్న కోదండరామ్

కాంగ్రెస్, సీపీఐ మధ్య పొత్తు: ఆ ఒక్క సీటు వద్దే ప్రతిష్టంభన

కాంగ్రెస్ స్క్రీనింగ్ కమిటీ భేటీ: సీపీఐ, టీజేఎస్‌లను ముంచుతారా తేల్చుతారా?

కాంగ్రెస్ అధిష్టానం షాక్: వారికి టికెట్టు లేనట్టే...

ప్రజా కూటమి: కాంగ్రెస్ నేతలతో కోదండరామ్ భేటీ, రమణ, చాడ గైర్హాజర్

కాంగ్రెస్‌కు షాక్: 9 స్థానాల్లో పోటీకి సీపీఐ సై, మూడు రోజుల్లో అభ్యర్థుల ప్రకటన

పొత్తులపై వీడని ఆశ: కోదండరామ్ మాట ఇదీ

ప్రజా కూటమిలో సీట్ల లొల్లి: సీపీఐ ఎమర్జెన్సీ మీటింగ్, కాంగ్రెస్‌పై గుర్రు

ప్రజా కూటమిలో లుకలుకలు: చాడ సీరియస్ కామెంట్స్