అమరావతిలో రాజధానిని కొనసాగించే ఉద్దేశ్యం జగన్‌కి లేదు: జీవీఎల్ వ్యాఖ్యలు

GVL Rao

ఏపీ రాజధాని అమరావతి విషయంలో బీజేపీ ఎంపీ జీవీఎల్ నరసింహారావు సంచలన వ్యాఖ్యలు చేశారు. అమరావతిలో రాజధానిని కొనసాగించే ఆలోచనలో వైసీపీ ప్రభుత్వం లేదంటూ వ్యాఖ్యానించారు.

రాజధాని అంశం రాష్ట్ర ప్రభుత్వం పరిధిలో ఉందని.. దీనిపై వెంటనే స్పష్టత ఇవ్వాలని జీవీఎల్ డిమాండ్ చేశారు. రాజధానిని గురించి ప్రజల్లో కలిగాయన్నారు.. మంత్రులు దీని గురించి అనేక వ్యాఖ్యానాలు చేశారని జీవీఎల్ గుర్తు చేశారు.

అయితే మంత్రులు కొందరు పరస్పర విరుద్ధ ప్రకటనలు చేస్తున్నారని.. ఇప్పటి వరకు అమరావతిపై పెట్టిన ఖర్చుకు సరైన ప్రయోజనం చేకూరాలన్నారు. రాజధానికి భూములిచ్చిన రైతులకు న్యాయం జరిగే చేయాలని చూడాల్సిన బాధ్యత రాష్ట్ర ప్రభుత్వంపై ఉందని నరసింహారావు అభిప్రాయపడ్డారు.

మంత్రుల వ్యాఖ్యలు... స్పష్టమైన ప్రకటన లేకపోవడం కారణంగా ప్రజల్లో అయోమయం మరింత పెరుగుతుందని జీవీఎల్ పేర్కొన్నారు.

ఇప్పటికైనా ప్రభుత్వం అమరావతిపై దోబూచులాడటం మాని వైఖరిని తెలియజేయాలని నరసింహారావు డిమాండ్ చేశారు. అమరావతిని అడ్డం పెట్టుకుని ప్రయోజనం పొందిన వారిపై ఎటువంటి చర్యలు తీసుకుంటారో చెప్పాలన్నారు. 

సంబంధిత వార్తలు

అమరావతి భూముల చిట్టా విప్పుతా: సుజనాకు బొత్స కౌంటర్