అమరావతి భూముల చిట్టా విప్పుతా: సుజనాకు బొత్స కౌంటర్

సారాంశం

: టీడీపీ ఎంపీ తోట నర్సింహంతో వైసీపీ నేత బొత్స సత్యనారాయణ సోమవారం నాడు సమావేశమయ్యారు. ఈ ఘటన ఏపీ రాజకీయాల్లో చర్చనీయాంశంగా మారింది. అనారోగ్య కారణాలతో వచ్చే ఎన్నికల్లో తాను ఎంపీ స్థానానికి పోటీ చేయబోనని తోట నరసింహం ఇప్పటికే చంద్రబాబునాయుడును కోరారు. కానీ, తన భార్యకు జగ్గంపేట నుండి అసెంబ్లీ సీటు ఇవ్వాలని కోరారు.

అమరావతి: రాజధాని భూ అక్రమాలపై తమ వద్ద పూర్తి సమాచారం ఉందని ఏపీ ప్రభుత్వం  మంత్రి బొత్స సత్యనారాయణ  స్పష్టం చేశారు. రాజధానిలో తనకు భూములే లేవని ఓ మాజీ కేంద్ర మంత్రి ప్రస్తుత ఎంపీ  చెబుతున్నాడని సవాల్ విసిరితే అన్నీ బట్టబయలు చేస్తానని ఆయన బాంబు పేల్చారు.

సోమవారం నాడు ఏపీ  మంత్రి బొత్స  సత్యనారాయణ అమరావతిలో మీడియాతో మాట్లాడారు. రాజధానిలో భూ అక్రమాలపై తన వద్ద సమాచారం ఉందన్నారు. సరైన సమయంలో ఈ సమాచారాన్ని బయటపెడతానని ఆయన చెప్పారు.

రాజధానిలో భూములు లేవని ఓ మాజీ కేంద్ర మంత్రి చెబుతున్నారని...ఆయన చిట్టా కూడ తమ వద్ద ఉందన్నారు. భూముల విషయాలను బయటపెట్టాలని సవాల్ చేయాలని మంత్రి బొత్స మాజీ కేంద్ర మంత్రికి సవాల్ విసిరారు.

రాజధాని నిర్మాణం విషయంలో  గతంలో బీజేపీ, జనసేన నేతలు ఏం మాట్లాడారో గుర్తు తెచ్చుకోవాలన్నారు. రాజధాని నిర్మాణంలో అవినీతి చోటు చేసుకొందని జనసేన, బీజేపీ నేతలు  ఆరోపణలు చేసిన విషయాన్ని ఆయన ప్రస్తావించారు. 

భారీ వర్షం వస్తే  అమరావతి నీట మునిగే అవకాశం ఉందని తేలిందన్నారు.11 లక్షల క్యూసెక్కుల కంటే ఎక్కువ వరద వస్తే ఏం చేయాలని ఆయన ప్రశ్నించారు. రాజధాని భూముల రైతులు కౌలు కోసం తనను కలిసినట్టుగా ఆయన చెప్పారు.

కౌలు చెల్లించాలని ముఖ్యమంత్రి ఆదేశించారన్నారు. త్వరలోనే ఆ రైతులకు కౌలు చెల్లించనున్నట్టుగా బొత్స తేల్చి చెప్పారు.ఏపీకి నాలుగు రాజధానుల విషయం తనకు తెలియదన్నారు. ఈ విషయమై టీజీ వెంకటేష్‌ను అడగాలని ఆయన కోరారు.

సంబంధిత వార్తలు