ఏ ఒక్క సామాజికవర్గానిది కాదు: అమరావతిపై బొత్స మరోసారి సంచలనం

సారాంశం

ఇక బీసీ సామాజిక వర్గం నుండి బొత్స సత్యనారాయణ, పార్థసారధి తదితరుల పేర్లు కూడ డిప్యూటీ సీఎం పదవి కోసం పరిశీలిస్తున్నట్టుగా ప్రచారం సాగుతోంది. తన మనసులోని అభిప్రాయాలను వైఎస్ఆర్‌సీఎల్పీ సమావేశంలో జగన్ బయటపెట్టారు. అయితే పదవులు మాత్రం ఎవరికి దక్కనున్నాయో కొన్ని గంటల్లో తేలనుంది.

అమరావతి: రాజధాని నిర్మాణ అంశం ప్రభుత్వ పరిశీలనలో ఉందని ఏపీ మంత్రి బొత్స సత్యనారాయణ చెప్పారు.రాజధానిపై గతంలో తాను చేసిన వ్యాఖ్యలకు కట్టుబడి ఉన్నట్టుగా ఆయన చెప్పారు. కృష్ణా నదికి 8 లక్షల క్యూసెక్కుల నీరొస్తేనే అమరావతి ముంపుకు గురైందన్నారు. 11 లక్షల క్యూసెక్కుల నీరు వస్తే  ఏమౌతోందని ఆయన ప్రశ్నించారు.

ఆదివారం నాడు ఏపీ మంత్రి బొత్స సత్యనారాయణ మీడియాతో మాట్లాడారు. రాజధాని విషయంలో వారం రోజులుగా తాను ఒక్క మాటనే చెబుతున్నట్టుగా ఆయన వివరించారు.

రాజధాని విషయంలో జనసేన చీఫ్ పవన్ కళ్యాణ్ చేసిన వ్యాఖ్యలు ద్వంద్వ అర్ధాన్ని ఇస్తున్నాయని ఆయన అభిప్రాయపడ్డారు. రాజధాని ఏ ఒక్క సామాజిక వర్గానికో చెందింది కాదన్నారు. రాజధాని అందరిది అని ఆయన చెప్పారు. రాజధాని ఒక్క సామాజిక వర్గానిది కాదన్నారు.

చంద్రబాబునాయుడు సర్కార్ శివరామకృష్ణ కమిటీని కేంద్రం నియమించిన విషయాన్ని ఆయన గుర్తు చేశారు. కానీ, చంద్రబాబు సర్కార్ మాత్రం అప్పటి మంత్రి నారాయణ కమిటీ నివేదికను మాత్రమే పట్టించుకొందని ఆయన ఆరోపించారు.

కృష్ణా నదికి 8  లక్షల క్యూసెక్కుల వరద వస్తే ముంపుకు గురైంది. 11 లక్షల క్యూసెక్కుల నీరు వస్తే ఈ ప్రాంతం ఏమౌతోందని ఆయన ప్రశ్నించారు.ఈ రకమైన పరిస్థితులు ఉన్నాయని తాను చెప్పానన్నారు. 

అమరావతిలో నిర్మాణం భారమయ్యే అవకాశం ఉందని తాను చెప్పానని ఆయన గుర్తు చేశారు.ఇతర ప్రాంతాల్లో నిర్మాణ వ్యయం తక్కువగా ఉంటుందన్నారు. కానీ, అమరావతిలో మాత్రం నిర్మాణ వ్యయం ఎక్కువయ్యే అవకాశం ఉందన్నారు. ఈ విషయాలన్నీ కూడ ప్రభుత్వం పరిశీలిస్తున్నట్టుగా బొత్స వివరించారు.

సంబంధిత వార్తలు