జయరాం హత్య కేసు: ఆ రాత్రి శిఖా, సంతోష్ ఎక్కడున్నారు..?

ప్రముఖ పారిశ్రామిక వేత్త, ఎన్‌ఆర్ఐ చిగురుపాటి జయరాం హత్య కేసులో ప్రధాన నిందితుడు రాకేశ్ రెడ్డికి సహకరించారనే అభియోగంపై రౌడీషీటర్ నగేశ్, అతని మేనల్లుడు విశాల్‌ను అరెస్ట్ చేసేందుకు పోలీసులు సిద్ధమవుతున్నట్లుగా తెలుస్తోంది.

rowdy sheeter nagesh and vishal arrested by police for involved in Jayaram's murder case

Siva Kodati

Hyderabad, First Published Feb 21, 2019, 2:40 PM IST

గత కొన్ని రోజులుగా జరుగుతున్న విచారణలో శిఖా చౌదరి, రాకేశ్ రెడ్డిలతో పాటు సుమారు 50 మందిని పోలీసులు విచారించారు. ఈ క్రమంలో జయరాం హత్యతో నగేశ్, విశాల్‌కు సంబంధం ఉందని పోలీసులు నిర్థారించారు.

హత్య చేయాలని రాకేశ్‌ ముందుగానే వీరికి చెప్పినప్పటికీ... ఆ విషయం తెలిసినా నగేశ్, విశాల్‌ను అతన్ని అడ్డుకోలేదని పోలీసులు తెలిపారు. ప్లాన్‌లో భాగంగా రాకేశ్ ఇంటి వద్ద జయరాంను విశాల్ ఊపిరాడకుండా చేశాడు.

హత్య అనంతరం రాత్రి సంతోష్ రావ్‌తో తాను కారులో లాంగ్ డ్రైవ్‌లో వెళ్లినట్లు శిఖా చౌదరి పోలీసులుకు వెల్లడించింది. ఆ రాత్రి శిఖా, సంతోష్‌రావులు ఎక్కడున్నారనే విషయంపై పోలీసులు ఆరా తీస్తున్నారు.

జయరాంను రాకేశ్ ఆస్తి కోసమే చేశాడని నిర్థారణకు వచ్చిన పోలీసులు..అతని ఆర్ధిక లావాదేవీలపై దృష్టి సారించారు. విచారణలో భాగంగా కుత్బుల్లాపూర్‌కు చెందిన పలువురు రియల్‌ ఎస్టేట్ వ్యాపారులను విచారణకు పిలిచారు.

జయరాం హత్యకు నెల రోజుల ముందే రాకేశ్ రెడ్డి చింతల్‌లో రూ.100 కోట్ల విలువైన డాక్యుమెంటేషన్ చేయించినట్లు పోలీసులు గుర్తించారు. దీనిలో భాగంగా ఈ డాక్యుమెంటేషన్ చేసిన వారి నుంచి వివరాలు సేకరిస్తున్నారు.

మరోవైపు రాకేశ్ రెడ్డితో సంబంధాలున్నాయనే ఆరోపణలపై ఏసీపీ మల్లారెడ్డి, సీఐ శ్రీనివాసులను మరోసారి విచారణకు పిలవాలని పోలీసులు భావిస్తున్నారు.

జయరాం హత్య కేసు: ఆ రాత్రి శిఖా, సంతోష్ ఎక్కడున్నారు..?

RELATED STORIES

Recent Stories

Recent Videos