జయరామ్ హత్య: రాకేష్ రెడ్డి చిల్లిగవ్వ ఇవ్వలేదు

రాకేష్ రెడ్డి జయరామ్‌కు చిల్లిగవ్వ ఇవ్వలేదని పోలీసుల విచారణలో తేలింది. పోలీసులను బురిడీ కొట్టించేందుకు రూ.4.5 కోట్లను జయరామ్ అప్పుగా తీసుకొన్నాడని చెప్పినట్టు పోలీసులు గుర్తించారు.

rakesh reddy not given single paisa to jayaram

narsimha lode

Hyderabad, First Published Feb 18, 2019, 5:55 PM IST

హైదరాబాద్: రాకేష్ రెడ్డి జయరామ్‌కు చిల్లిగవ్వ ఇవ్వలేదని పోలీసుల విచారణలో తేలింది. పోలీసులను బురిడీ కొట్టించేందుకు రూ.4.5 కోట్లను జయరామ్ అప్పుగా తీసుకొన్నాడని చెప్పినట్టు పోలీసులు గుర్తించారు. జయరామ్ హత్య జరిగిన తర్వాత ఐదుగురు పోలీసులతో రాకేష్ రెడ్డి మాట్లాడినట్టుగా పోలీసులు తేల్చారు.

గత నెల 31వ తేదీన జయరామ్‌ హత్యకు గురయ్యారు. రాకేష్ రెడ్డి జయరామ్‌ను హత్య చేసిన తర్వాత ఆ విషయాన్ని పోలీసులతో చర్చించారు. ఐదుగురు పోలీసు అధికారులతో రాకేష్ రెడ్డి మాట్లాడినట్టుగా హైద్రాబాద్ పోలీసులు గుర్తించారు.

మరో వైపు ఈ కేసు నుండి బయటపడేందుకు రోడ్డు ప్రమాదంగా చిత్రీకరించాలని ఓ పోలీసు అధికారి తనకు ప్లాన్ ఇచ్చినట్టుగా రాకేష్ రెడ్డి విచారణలో వెల్లడించినట్టు విచారణాధికారి శ్రీనివాస్ ప్రకటించారు.

జయరామ్, రాకేష్ రెడ్డి మధ్య గతంలో ఎలాంటి ఆర్ధిక సంబంధమైన లావాదేవీలు జరగలేదన్నారు. జయరామ్ తన వద్ద రూ.4.5 కోట్లు తీసుకొన్నట్టు చెప్పింది కట్టు కథలేనని డీసీపీ శ్రీనివాస్ తెలిపారు.

మృతదేహంతో రాకేష్ రెడ్డి నల్లకుంట పీఎస్‌కు వెళ్లినట్టు ఉన్న ఆరోపణలపై కూడ శాస్త్రీయమైన ఆధారాలను సేకరిస్తున్నట్టు చెప్పారు. ఈ కేసుకు సంబంధించి సుమారు 50 మందిని విచారణ చేశామని పోలీసులు తెలిపారు.

జయరామ్ హత్య విషయం బయటకు వచ్చిన తర్వాత శిఖా చౌదరి తమ ఇంట్లో విలువైన డాక్యుమెంట్లను తీసుకెళ్లిందని పద్మశ్రీ చేసిన ఫిర్యాదుపై కూడ విచారణ చేస్తున్నట్టు చెప్పారు. ఈ కేసుతో సంబంధం ఉందని ఆరోపణలున్న ఐదుగురు పోలీసు అధికారులను మంగళవారం నాడు విచారిస్తామని డీసీపీ శ్రీనివాస్ తెలిపారు..

జయరామ్ హత్య: రాకేష్ రెడ్డి చిల్లిగవ్వ ఇవ్వలేదు

RELATED STORIES

Recent Stories

Recent Videos