జగన్‌పై దాడి: స్నేహితులకు భారీ విందిచ్చిన శ్రీనివాస్, యువతితో పార్టీకి

 వైసీపీ చీఫ్ వైఎస్ జగన్‌పై దాడికి ముందు స్నేహితులకు  శ్రీనివాసరావు భారీగా విందు ఇచ్చాడని సిట్ దర్యాప్తులో తేలింది

ముమ్మడివరం: వైసీపీ చీఫ్ వైఎస్ జగన్‌పై దాడికి ముందు స్నేహితులకు  శ్రీనివాసరావు భారీగా విందు ఇచ్చాడని సిట్ దర్యాప్తులో తేలింది. ఈ విందుకు ఓ- యువతిని కూడ శ్రీనివాసరావు తీసుకొచ్చినట్టుగా చెబుతున్నారు. 

 విశాఖ ఎయిర్‌పోర్ట్‌లో  అక్టోబర్ 25వ తేదీన శ్రీనివాసరావు అనే యువకుడు వైసీపీ చీఫ్ వైఎస్ జగన్‌పై  కత్తితో దాడికి పాల్పడ్డాడు. అయితే ఈ ఘటనకు సంబంధించి ఏర్పాటైన సిట్ బృందం అన్ని కోణాల్లో  విచారణ జరుపుతోంది.

20 రోజుల క్రితం శ్రీనివాసరావు  తమ గ్రామానికి సమీపంలోని మురమళ్లలో తన స్నేహితులకు భారీగా విందు ఇచ్చాడు.  కోనసీమ ఉత్సవాలు జరిగిన ప్రాంతంలో గోదావరి ఒడ్డున  విందు ఇచ్చినట్టు సిట్ దర్యాప్తులో తేలింది.

ఈ విందుకు శ్రీనివాసరావు సుమారు రూ.40 వేలు ఖర్చు చేశారని పోలీసులు గుర్తించారు.  ఈ విందులో పాల్గొన్న శ్రీనివాసరావు స్నేహితులు మెల్లం రాజు, పులిదిండి దుర్గాప్రసాద్, మెల్లం ప్రభాకర్, మద్దెల ప్రకాష్‌లను పోలీసులు విచారించారు. విడి విడిగా ఒక్కొక్కరి వాంగ్మూలాలను పోలీసులు సేకరించారు.

ఇదిలా ఉంటే ఈ విందుకు శ్రీనివాసరావు ఓ యువతిని కూడ తీసుకొచ్చారని సమాచారం.ఆ యువతి ఎవరనే విషయమై కూడ ఆరా తీస్తున్నారు పోలీసులు. శ్రీనివాసరావుకు ఆ యువతికి ఉన్న సంబంధం ఏమిటనే కోణంలో దర్యాప్తు చేస్తున్నారు. 

సంబంధిత వార్తలు