మానని జగన్ గాయం: కత్తికి విషం లేదు

వైసీపీ చీఫ్ వైఎస్ జగన్‌ గాయం ఇంకా తగ్గలేదని డాక్టర్లు తేల్చి చెప్పారు

హైదరాబాద్: వైసీపీ చీఫ్ వైఎస్ జగన్‌ గాయం ఇంకా తగ్గలేదని డాక్టర్లు తేల్చి చెప్పారు. ఈ గాయం తగ్గడానికి ఇంకా ఆరు వారాల సమయం పట్టే అవకాశం ఉందని  సిటీ న్యూరో సెంటర్ వైద్యుడు డాక్టర్ శివారెడ్డి తెలిపారు.

మంగళవారం నాడు లోటస్‌పాండ్‌లో  వైసీపీ చీఫ్ వైఎస్ జగన్‌ను డాక్టర్ శివారెడ్డి బృందం పరిశీలించింది.  జగన్ గాయం ఇంకా తగ్గలేదని  వైద్యులు నిర్ధారించారు. అయితే  ఇంకా ఈ గాయం నయం కావడానికి  ఆరు వారాల సమయం పట్టే అవకాశం ఉందని డాక్టర్ శివారెడ్డి తెలిపారు.

జగన్ గాయమైన సమయంలో తీసిన బ్లడ్ శాంపిళ్లను పరీక్షల నిమిత్తం ఇదివరకే పంపారు. అయితే  రక్త నమూనాలకు సంబంధించిన రిపోర్ట్ వచ్చిందని డాక్టర్ శివారెడ్డి తెలిపారు. ఈ రక్త నమూనాల్లో ఎలాంటి విషం  లేదని తేలిందన్నారు.

నవంబర్ 3వ తేదీ నుండి జగన్ పాదయాత్ర చేయాలని భావిస్తున్నారు. అయితే గాయం మానని కారణంగా భుజం కదలికల వల్ల గాయం మళ్లీ పెద్దదయ్యే అవకాశం లేకపోలేదని డాక్టర్ అనుమానాన్ని వ్యక్తం చేశారు. 

సంబంధిత వార్తలు