రాజధానిని దొనకొండకు మారుస్తానని జగన్ చెప్పలేదన్న లక్ష్మీపార్వతి

రాజధానిని అమరావతి నుంచి దొనకొండకు మారుస్తున్నట్లు సీఎం జగన్ ఎప్పుడూ చెప్పలేదని ఆమె వ్యాఖ్యానించారు. రాష్ట్రం అభివృద్ధి సాధించాలంటే రాజధాని వికేంద్రీకరణ అవసరమని లక్ష్మీపార్వతి తెలిపారు. 

lakshmi parvathi

రాజధాని అమరావతిని మార్చుతారంటూ రాజకీయాలు వేడెక్కిన నేపథ్యంలో ఆసక్తికర వ్యాఖ్యలు చేశారు వైసీపీ రాష్ట్ర కార్యదర్శి, ఎన్టీఆర్ సతీమణి నందమూరి లక్ష్మీపార్వతి. మంగళవారం విశాఖలో పర్యటించిన ఆయన ఆమె.. కార్యకర్తల ఆత్మీయ సమావేశంలో పాల్గొని, ప్రసంగించారు.

రాజధానిని అమరావతి నుంచి దొనకొండకు మారుస్తున్నట్లు సీఎం జగన్ ఎప్పుడూ చెప్పలేదని ఆమె వ్యాఖ్యానించారు. రాష్ట్రం అభివృద్ధి సాధించాలంటే రాజధాని వికేంద్రీకరణ అవసరమని లక్ష్మీపార్వతి తెలిపారు.

ఒక ప్రాంతమే అభివృద్ధి చెందితే మిగిలిన ప్రాంతాలు అభివృద్ధికి దూరం అవుతాయన్నారు. దీని వల్ల భవిష్యత్తులో ప్రాంతాల మధ్య చిచ్చు రగిలే ప్రమాదం ఎదురవుతుందని లక్ష్మీపార్వతి అభిప్రాయపడ్డారు.

తనను నమ్మి అన్ని ప్రాంతాల వారు ఓట్లు వేశారన్న సత్యాన్ని గ్రహించే.. జగన్ పాలన సాగుతుందని.. దివంగత సీఎం వైఎస్ రాజశేఖర్ రెడ్డి పునాది వేసిన పోలవరాన్ని జగన్ పూర్తి చేసి తీరుతారని లక్ష్మీ పార్వతి స్పష్టం చేశారు.

వీఎంఆర్డీఏ ఛైర్మన్ ద్రోణంరాజు శ్రీనివాస్ మాట్లాడుతూ... త్వరలో జరగనున్న మున్సిపల్ ఎన్నికల్లో కార్యకర్తలు కష్టపడి పార్టీని విజయపథంలో నడిపించాలన్నారు. పార్టీ కోసం కష్టపడిన వారికి తప్పక ఫలితం ఉంటుందన్నారు. 

అమరావతి భూముల చిట్టా విప్పుతా: సుజనాకు బొత్స కౌంటర్