తుది దశలో కాంగ్రెస్ జాబితా: అసంతృప్తులకు బుజ్జగింపులు

కాంగ్రెస్ పార్టీ అభ్యర్థుల జాబితా తుది దశకు చేరుకొంది.పార్టీ టిక్కెట్టు దక్కని అభ్యర్థులను కాంగ్రెస్ పార్టీ చీఫ్ రాహుల్ గాంధీ బుజ్జగించనున్నారు. 

హైదరాబాద్: కాంగ్రెస్ పార్టీ అభ్యర్థుల జాబితా తుది దశకు చేరుకొంది.పార్టీ టిక్కెట్టు దక్కని అభ్యర్థులను కాంగ్రెస్ పార్టీ చీఫ్ రాహుల్ గాంధీ బుజ్జగించనున్నారు. సుమారు 15కు పైగా అసెంబ్లీ నియోజకవర్గాల్లో రెండు లేదా మూడు పేర్లు పరిశీలనలో ఉన్నాయి.  గురువారం నాడు కూడ కాంగ్రెస్ పార్టీ స్క్రీనింగ్ కమిటీ సమావేశం కానుంది. నవంబర్ 9వ తేదీన కాంగ్రెస్ పార్టీ తన అభ్యర్థుల జాబితాను విడుదల చేయనుంది.

 టీపీసీసీ చీఫ్ ఉత్తమ్ కుమార్ రెడ్డి, మాజీ మంత్రులు జానారెడ్డి,షబ్బీర్ అలీ, మాజీ కాంగ్రెస్ పార్టీ వర్కింగ్ ప్రెసింగ్ ప్రెసిడెంట్ మల్లు భట్టి విక్రమార్క, రాష్ట్ర కాంగ్రెస్ వ్యవహరాల ఇంచార్జీ కుంతియాలు కాంగ్రెస్ పార్టీ స్క్రీనింగ్ కమిటీ సభ్యులతో రెండు రోజులుగా సమావేశమయ్యారు.

ఇప్పటికే 57 మంది అభ్యర్థుల జాబితాను కాంగ్రెస్ పార్టీ ఫైనల్ చేసింది. మరో 42 అసెంబ్లీ నియోజకవర్గాల్లో అభ్యర్ధులను ప్రకటించేందుకు కాంగ్రెస్ పార్టీ రెండు రోజులుగా కసరత్తు చేస్తోంది.

కొన్ని అసెంబ్లీ నియోజకవర్గాల్లో  ఇద్దరు ముగ్గురు పేర్లను కాంగ్రెస్ పార్టీ  స్క్రీనింగ్ కమిటీ సభ్యుల ముందు చర్చకు వచ్చాయి. మెదక్ లో విజయశాంతి, శశిదర్ రెడ్డి పేర్లను కాంగ్రెస్ పార్టీ పరిశీలించింది. దేవరకొండ నుండి బాలూనాయక్, బిల్యానాయక్ తో పాటు మరోకరి పేరును పరిశీలించారు. 

సూర్యాపేటలో దామోదర్ రెడ్డి, పటేల్ రమేష్ రెడ్డి పేర్లను పరిశీలించారు.ఇలా పలు నియోజకవర్గాల నుండి పలువురి పేర్లను కాంగ్రెస్ పార్టీ నాయకత్వం పరిశీలించింది. 

కాంగ్రెస్ పార్టీ స్క్రీనింగ్ కమిటీ సమావేశం జరుగుతున్న సమయంలోనే దేవరకొండ టిక్కెట్టును రవీంద్రనాయక్ కు కేటాయించాలని కోరుతూ ఆయన అనుచరులు ఆందోళనకు దిగారు.

బుధవారం సాయంత్రం కాంగ్రెస్ పార్టీ స్క్రీనింగ్ కమిటీ సమావేశం ముగిసింది. అయితే 20 నియోజకవర్గాల్లో అసంతృప్తులను బుజ్జగించాల్సిన పరిస్థితులు ఉంటాయని కాంగ్రెస్ పార్టీ అధిష్టానం భావిస్తోంది.

సుమారు 15 అసెంబ్లీ నియోజకవర్గాల్లో  ఇద్దరి పేర్లను స్క్రీనింగ్ కమిటీ ప్రతిపాదించింది. గురువారం నాడు ఉదయం పూట పోటీ తీవ్రంగా ఉన్న ఆశావహులతో కాంగ్రెస్ పార్టీ స్క్రీనింగ్ కమిటీ సభ్యులు చర్చించనున్నారు.

గురువారం సాయంత్రం కాంగ్రెస్ పార్టీ ఎన్నికల కమిటీ సమావేశం కానుంది. కాంగ్రెస్ పార్టీ 9వ తేదీన అభ్యర్థుల జాబితాను ప్రకటించనున్నారు.అసంతృప్తులను రాహుల్ గాంధీ బుజ్జగించనున్నారు. తెలంగాణలో కాంగ్రెస్ పార్టీ నేతృత్వంలో ప్రభుత్వం ఏర్పాటు కాగానే నామినేటేడ్ పదవులు, ఎమ్మెల్సీ పదవులు ఇవ్వనున్నట్టు రాహుల్ హామీ ఇవ్వనున్నారు.

సంబంధిత వార్తలు