జగన్‌పై దాడి కేసులో ట్విస్ట్: శ్రీనివాస్‌తో వైసీపీ ఆఫీస్ అసిస్టెంట్ సంభాషణ

 వైసీపీ చీఫ్ వైఎస్  జగన్‌పై దాడి కేసు విచారణను  సిట్ వేగవంతం చేసింది. ఈ కేసు దర్యాప్తును సిట్ చేస్తోంది. ఈ కేసు దర్యాప్తులో భాగంగానే ఏపీలోని పలు ప్రాంతాలతో పాటు ఇతర రాష్ట్రాలకు  కూడ సిట్ బృందం వెళ్లి విచారణ చేస్తోంది. 

విశాఖపట్టణం: వైసీపీ చీఫ్ వైఎస్  జగన్‌పై దాడి కేసు విచారణను  సిట్ వేగవంతం చేసింది.  ఈ కేసు దర్యాప్తులో భాగంగానే ఏపీలోని పలు ప్రాంతాలతో పాటు ఇతర రాష్ట్రాలకు  కూడ సిట్ బృందం వెళ్లి విచారణ నిర్వహిస్తోంది. విశాఖ వైసీపీ కార్యాలయంలో పనిచేస్తున్న కేకేతో శ్రీనివాసరావు మాట్లాడడంపై  కూడ పోలీసులు ఆరా తీస్తున్నారు.

వైసీపీ చీఫ్ వైఎస్ జగన్‌పై దాడికి పాల్పడిన శ్రీనివాసరావు విచారణ  మంగళవారం నాటికి మూడో రోజుకు చేరుకొంది.. విశాఖ వైసీపీ  కార్యాలయంలో ఆఫీస్ అసిస్టెంట్‌గా పనిచేస్తున్న కేకేతో పలుమార్లు  శ్రీనివాసరావు మాట్లాడినట్టుగా సిట్  అధికారులు గుర్తించారు.విశాఖ వైసీపీ కార్యాలయంలో ఆఫీస్ అసిస్టెంట్‌గా పనిచేస్తున్న కేకేతో  శ్రీనివాసరావు ఎందుకు పలుమార్లు పోన్లో సంభాషించాల్సి వచ్చిందనే విషయమైసిట్  అధికారులు ఆరా తీస్తున్నారు.

సోమవారం నాడు  సిట్ అధికారులు  వైసీపీ విశాఖ కార్యాలయంలో ఆఫీస్ అసిస్టెంట్‌గా పనిచేస్తున్న  కేకేను విచారించారు.  వీరిద్దరి మధ్య  సంభాషణకు సంబంధించిన విషయమై పోలీసులు ఆరా తీస్తున్నారు.

శ్రీనివాసరావుకు సంబంధించిన  బ్యాంకు ఖాతాలు,  ఫోన్ డేటాను కూడ పోలీసులు పరిశీలించారు.  శ్రీనివాసరావుకు చెందిన మూడు బ్యాంకు ఖాతాల్లో ఉన్న నగదు వివరాలపై  పోలీసులు ఆరా తీశారు. మరో వైపు సెల్‌ఫోన్లను మార్చడానికి గల కారణాలపై విశ్లేషిస్తున్నారు.

ఈ కేసులో  ప్రతి ఒక్క అనుమానితుడిని విచారించనున్నట్టు  సిట్ బృందం ఇదివరకే ప్రకటించింది. ఇందులో భాగంగానే  ఘటన జరిగిన రోజున ఘటన స్థలంలో ఉన్న ప్రతి ఒక్కరిని సిట్ బృందం విచారిస్తోంది. 

మరో వైపు  రెస్టారెంట్ యజమాని హర్షవర్ధన్ ను కూడ సిట్ బృందం విచారించింది. హర్షవర్ధన్ నుండి శ్రీనివాసరావుకు సంబంధించిన సమాచారాన్ని సేకరించారు. రేవతిపతీ, విజయలక్ష్మీలతో ఎందుకు లేఖ రాయించారనే విషయాలపై కూడ  ఆరా తీశారు. 

శ్రీనివాసరావు బంధువులు, కుటుంబసభ్యులు, స్నేహితులతో  సంభాషణ వివరాలను కూడ పోలీసులు ఆరా తీస్తున్నారు. ఈ కేసు దర్యాప్తులో భాగంగా వైసీపీ చీఫ్  జగన్‌ను కూడ కలిసి స్టేట్‌మెంట్ రికార్డు చేసేందుకు  సిట్ బృందం మరో సారి ప్రయత్నాలను ముమ్మరం చేసింది.

సంబంధిత వార్తలు